Schmidentzat etapa garaipena eta Bernalek lidergoa sendotu du
Mauro Schmidek irabazi du Italiako Giroko 11. etapa, Perugia eta Montalcino artekoa (162 km), eta Egan Bernalek lidergoa sendotu du, aurkari zuzenekiko zuen abantaila areagotuta. Remco Evenepoel izan da etapako galtzaile nagusia.
Atseden egunaren ostean, txirrindulariek lurrezko bideetatik ('sterrato') ibili behar izan dute. Azken 70 kilometroetatik, 35 lurrezko bideetatik egin behar izan dituzte. Erritmo biziarekin hasi da etapa, eta txirrindulari multzo bat jarri da lasterketaren buruan, tropelarekiko 13 minutuko abantailarekin. Atzetik, Bernal buru duen Ineos taldeak jarri du erritmoa tropelean, eta txirrindulari asko sufritzen ari zirela ikusi ahal izan da. Eroriko batzuk ere izan dira txirrindulariek lurrezko bideetatik ibili behar izan dutenean; adibidez, Jonathan Caicedok lasterketa utzi behar izan du, eroriko baten eraginez.
Tropelean mugimendu asko egon dira, baita erritmo aldaketak ere, eta Evenepoel zein Vlasov moztuta geratu dira. Hala ere, Vlasov onenen artean sartu da. Evenepoel, aitzitik, ezinean ibili da.
Faboritoen artetik Egan Bernal izan da onena. Kolonbiarra erasokor ibili da, Vlasoven erasoari oso erraz erantzun dio, eta azken igoeran erasoa jota, atzean utzi ditu aurkari guztiak. Aurretik, etapa garaipena Alessandro Coviren eta Mauro Schmiden artean jokatu da, eta Schmid nagusitu da.
Sailkapen nagusiari begira, Bernalek abantaila handitu du aurkari zuzenekiko. Aleksandr Vlasovi 23 segundo sartu dizkio, eta Egan Bernalek 45 segundo ateratzen dizkio orain sailkapen nagusian. Remco Evenepoelek bi minutu eta zortzi segundo galdu ditu Bernalekiko, eta Damiano Caruso kokatu da hirugarren postuan.
11. etapako sailkapena:
1 - SCHMID Mauro (Team Qhubeka ASSOS) 4:01:55
2 - COVI Alessandro (UAE-Team Emirates) + 0:01
3 - VANHOUCKE Harm (Lotto Soudal) + 0:26
4 - DE BONDT Dries (Alpecin-Fenix) + 0:41
5 - GUGLIELMI Simon (Groupama - FDJ) d.b.
6 - BATTAGLIN Enrico (Bardiani-CSF-Faizane) + 0:44
7 - KLUGE Roger (Lotto Soudal) + 1:23
8 - GAVAZZI Francesco (EOLO-Kometa + 1:37
9 - VAN DER HOORN Taco (Intermarche - Wanty - Gobert Materiaux) + 1:43
10 - NAESEN Lawrence (AG2R Citroen Team) + 1:59
11 - BERNAL Egan (INEOS Grenadiers) + 3:09
12 - BUCHMANN Emanuel (BORA - hansgrohe) + 3:12
13 - VLASOV Aleksandr (Astana - Premier Tech) + 3:32
14 - CARUSO Damiano (Bahrain - Victorious) + 3:35
15 - YATES Simon (Team BikeExchange) d.b.
26 - EVENEPOEL Remco (Deceuninck - Quick Step) + 5:17
Sailkapen nagusia:
1 - BERNAL Egan (INEOS Grenadiers) 42:35:21
2 - VLASOV Aleksandr (Astana - Premier Tech) + 0:45
3 - CARUSO Damiano (Bahrain - Victorious) + 1:12
4 - CARTHY Hugh (EF Education - Nippo) + 1:17
5 - YATES Simon (Team BikeExchange) + 1:22
6 - BUCHMANN Emanuel (BORA - hansgrohe) + 1:50
7 - EVENEPOEL Remco (Deceuninck - Quick Step) + 2:22
8 - CICCONE Giulio (Trek - Segafredo) + 2:24
9 - FOSS Tobias (Team Jumbo-Visma) + 2:49
10 - MARTINEZ Daniel Felipe (INEOS Grenadiers) + 3:15
11 - SOLER Marc (Movistar Team) + 3:19
12 - BARDET Romain (Team DSM) + 3:29
13 - VALTER Attila (Groupama - FDJ) + 3:51
14 - NIBALI Vincenzo (Trek - Segafredo) + 4:11
15 - MOSCON Gianni (INEOS Grenadiers) + 4:25
16 - TAARAMAE Rein (Intermarche - Wanty - Gobert Materiaux) + 5:43
17 - ALMEIDA Joao (Deceuninck - Quick Step) + 7:04
18 - MARTIN Dan (Israel Start-Up Nation) + 7:06
19 - FORMOLO Davide (UAE-Team Emirates) + 7:16
20 - BILBAO Pello (Bahrain - Victorious) + 7:23
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.