Vosek irabazi du Sant Boi de Llobregateko esprinta, eta Paternoster jarri da lider Espainiako Vueltan
Marianne Vos Visma Lease a Bike taldeko txirrindulari herbeheretarrak irabazi du 2025eko Espainiako Vueltako bigarren etapa, esprintean, Sant Boi de Llobregaten, astelehenean, eta Liv AlUla Jayco taldeko Letizia Paternoster ziklista italiarra sailkapen nagusiko lehenengo postuan jarri da; Paternosterrek Lidl-Trek taldeko Ellen van Dijki kendu dio liderrak janzten duen maillot gorria.
Maiatzaren 13an, Vosek 38 urte beteko ditu, eta hirugarrenez nagusitu da Espainiako Vueltan, 2024an bi etapa eskuratu baitzituen. Txapeldun handiak garaipen bikaina lortu du, korapilatsua izan den esprintean; izan ere, euria izan dute lagun txirrindulariek.
Laboral Lutxa-Euskadi Fundazioko Laura Tomasik hamargarren postua erdietsi du. Gainera, Ane Santesteban mendiko sailkapeneko lider dabil, eta Usoa Ostolazak bosgarren postua du, bertan.
Asteartean, Espainiako Vueltan hirugarren etapa izango da jokoan. Hori Barbastron hasiko da, eta, 132,4 kilometro eginda, Huescan amaitu.
Etapako sailkapena
1 - VOS Marianne (Visma) 2:35:13
2 - PATERNOSTER Letizia (Liv AlUla) d. b.
3 - BORGHESI Letizia (EF Education) d. b.
4 - HENDERSON Anna (Lidl) d. b.
5 - TRINCA COLONEL Monica (Liv AlUla) d. b.
6 - WOLLASTON Ally (FDJ) d. b.
7 - KOCH Franziska (Picnic) d. b.
8 - NIEWIADOMA Katarzyna (Canyon) d. b.
9 - KERBAOL Cedrine (EF Education) d. b.
10 - TOMASI Laura (Laboral Kutxa) d. b.
Sailkapen nagusia
1 - PATERNOSTER Letizia (Liv AlUla) 2:44:40
2 - GERRITSE Femke (SD Worx) + 0:02
3 - HENDERSON Anna (Lidl) + 0:03
4 - FISHER-BLACK Niamh (Lidl) d. b.
5 - MARKUS Riejanne (Lidl) d. b.
6 - VAN ANROOIJ Shirin (Lidl) d. b.
7 - TRINCA COLONEL Monica (Liv AlUla) + 0:06
8 - VAN DER BREGGEN Anna (SD Worx) d. b.
9 - BREDEWOLD Mischa (SD Worx) d. b.
10 - GARCIA Mavi (Liv AlUla) d. b.
Zure interesekoa izan daiteke
Kerbaol bretoiak ezustekoa eman eta irabazi du Coruñan, eta Kochek lider jarraitzen du
Etapa esprintean erabaki behar zela zirudienean, Cedrine Kerbaolek (EF Education) helmugatik 2.000 metrora erasoa jotzea erabaki du. Bresteko txirrindulariak segundo gutxi batzuetako tartea zabaldu du, eta bakarrik, pozez zoratzen, helmugaratu da.
Bossuyt belgikarrak Franziska Koch lider berria gainditu du esprintean
Bossuytek ezin zuen sinetsi ere egin lasterketa handi batean lehen garaipena lortu izana, bere palmareseko laugarrena, baina esprintean ohore hori merezi izan du, txirrindulari onenak gainditu baititu.
Noemi Rüegg suitzarra, Vueltako lehen liderra
Euriak eta helmugara iristeko 8 kilometrora tropela zatitu duen erorikoak markatu dute lehen etapa.
Laboral Kutxak talde igotzailea eramango du Vueltara, eta Usoa Ostolaza izango du lider
Igandean hasiko da, eta Pauline Ferrand-Prevot frantziarra eta Kasia Niewiadoma poloniarra dira faborito nagusiak, Demi Vollering azken bi urteetako txapelduna ez baita bertan arituko.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.