Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek bosgarren aldiz irabazi du 2026ko Espainiako Itzulian. Argazkia: EFE.
Matthew Brennan Visma Lease a Bike taldeko txirrindulari britainiarrak 2026ko Espainiako Vueltako hamazortzigarren etapa irabazi du, esprintean, Sevillan, asteazkenean; sailkapen nagusiari dagokionez, ez da aldaketa esanguratsurik izan, eta Enric Masek ez du arazorik izan maillot gorriari eusteko.
Etapan, hiru protagonista nagusi izan dira: alde batetik, noski, Brennanek, berriro gailendu baita, eta guztira bost etapa garaipen daramatza eta (bere taldeak zazpi etapa irabazi ditu); baina, halaber, Burgos Burpellet BHko Sinuhe Fernandezek eta Groupama FDJ Unitedeko Enzo Palenik egindako lana goraipatu behar da, kontuan izanik eguneko ia hasieran ihes egin dutela eta ibilbide osoan izan direla lasterketa buruan. Hain zuzen ere, Paleni Sevillan bertan harrapatu du tropelak, etapa amaitzeko soilik hiru kilometro gelditzen zirela.
Ostegunean, hamazortzigarren etapan, 2026ko Espainiako Vueltak egun erabakigarria izango du: 32,1 kilometroko erlojupekoa, El Puerto de Santa Maria-Jerez de la Frontera. Pentsatzeko modukoa da Primoz Roglicek aukera izan beharko lukeela Enric Masi denbora murrizteko, eta Felix Gallek ere, alegia, sailkapen nagusiko bigarrenak, bere onena eman beharko du.
Zure interesekoa izan daiteke
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.
Brenner nagusitu da La Panderan, eta Masek lehen postua sendotu du
Marco Brennerrek irabazi du Vueltako 14. etapa, ihesaldi luze baten ondoren, La Pandera mendatean jarritako helmugan esprintean nagusituta. Enric Masek, bere aldetik, aurrerapauso handia eman du sailkapen nagusian, Primoz Roglicekiko aldea handituta.
Wout van Aert nagusi Lojan, eta Enric Masek elastiko gorriari eutsi dio
Van Aertek laugarren garaipena lortu du Vueltan, Valentin Paret-Peintre Soudal taldeko frantziarra esprintean gaindituta. Enric Masek, berriz, sailkapen nagusiko lidergoari eutsi dio.
Jakob Omrzelek irabazi du Calar Alton, Urko Berrade bigarren dela, eta Enric Masek lidergoa sendotu du Espainiako Vueltan
Bahrain-Victorious taldeko txirrindulari gazteak irabazi du Espainiako Vueltako 81. etapa nagusia, eta Masek 27 segundo gehiago atera dizkie Primoz Roglic eta Felix Galli. Urko Berrade eta Pello Bilbao eguneko ihesaldian izan dira.
Matthew Brennan azkarrena izan da berriro esprintean, Lorcan, eta hiru garaipen lortu ditu Espainiako Vueltan
Vismako txirrinduari britainiarrak irabazi du lasterketako 81. ekitaldiko hamaikagarren etapa; Movistarreko Enric Masek lider jarraitzen du.
Bastien Tronchonek irabazi du, esprintean, Espainiako Vueltako hamargarren etapa, eta Enric Masek lider jarraitzen du
Xabier Mikel Azparrenek oso gertu izan du garaipena, baina tropelak azken metroetan aurreratu du; donostiarra seigarren postuan helmugaratu da. Sailkapen nagusian, ez da aldaketarik izan.
Enric Mas nagusitu da Aitana gainean, eta sendotu egin du bere lidergoa
Mallorcako txirrindulariak indar erakustaldia eman du Aitanan, 2026ko Vueltako bederatzigarren etapa irabazita. Movistar Team taldeko buruak nagusitasunez erantzun dio maillot gorria janzteko erronkari, Tadej Pogacar erretiratu ostean, Primoz Roglic eta Felix Gall gaindituz eta lehen atseden egunaren aurretik lidergoa sendotuz.
Pogacarrek bere lehen mezua publikatu du ospitaletik: “Stayin' alive"
Esloveniarrak bere jarraitzaileak lasaitu nahi izan ditu Espainiako Vueltan eroriko larria izan ostean. Pogacarrek lasterketa utzi behar izan zuen larunbatean, aurtengo ekitaldia irabazteko dena alde zuenean.