Barrenetxea hirugarren geratu da Eschborn-Frankfurt lasterketako azken esprintean
Jon Barrenetxea (Movistar) bizkaitarrak hirugarren amaitu du Eschborn-Frankfurt Alemanian urtero maitzaren 1ean jokatzen den egun bakarreko klasikoaren 62. edizioa. Michael Matthews (Team Jayco AIUIA) txirrindulari australiarra nagusitu da.
Txirrindularitza munduko hiru proba handienetan hainbat etapa irabazi dituen australiarra nagusitu da azken esprintean, 4:38:33ko denborarekin helmugaratuta. Denbora berean iritsi dira Magnus Cort (Uno-X Mobility) danimarkarra, bigarrena, eta Jon Barrenetxea euskalduna, hirugarrena.
35 kilometro falta zirenean, Maximilian Schachmann alemana (Soudal), Andreas Leknessund norvegiarra (Uno-X) eta Gregor Muhlberger austriarra (Movistar) aurreratu dira, talde nagusiari aurrea hartuta, azken ihesaldia osatzeko, baina tropela segundo gutxira zutela.
Azken 17 kilometroetan harrapatu dituzte. Hortik aurrera, elkarrekin joan dira guztiak, erasorik gabe, irabazlea aukeratuko zuen azken esprinterako indarrak gordez.
Barrenetxea oso indartsu sartu da azken metroetan, eta garaipena lortzeko borrokatu da, baina hirugarren postuarekin konformatu behar izan du azkenean.
SAILKAPENA
1.- MATTHEWS Michael (Jayco) 4:38:33
2.- CORT Magnus (Uno-X) d. b.
3.- BARRENETXEA Jon (Movistar) d. b.
4.- POWLESS Neilson (EF) d. b.
5.- WANDAHL Frederik (Red Bull) d. b.
Zure interesekoa izan daiteke
Evenepoel nagusitu da Quebecen, esprintean Ciccone garaituta
Belgikarrak italiarra menderatu du azken esprintean. Juan Ayusok, bere aldetik, eroriko gogorra izan du helmugatik gertu.
Eddie Dunbar gailendu da Peñas Blancas mendatean, eta Enric Masek erraz eutsi die aurkariei
Txirrindulari irlandarra bakarka helmugaratu da, Santiago Buitrago bukaerarako 500 metroren faltan gainditu eta gero. Primoz Roglic saiatu da Enric Mas atzean uzten, baina liderrak ondo eutsi die eraso saiakera guztiei, eta eskura dauka Vuelta.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Küngek irabazi du erlojupekoa eta Masek lidergoa mantendu du
Enric Masek maillot gorria mantendu du El Puerto de Santa María eta Jerez de la Frontera arteko erlojupekoan. Primoz Roglicek aldea murriztu du, baina ez lidergoa arriskuan jartzeko adina. Stefan Küngek irabazi du etapa denborarik onena eginda.
Neurozirujau batek ebakuntza egin dio Jaume Guardeño Caja Rural-Seguros RGA taldeko txirrindulariari
Alacanteko ziklistak, apirilean, istripu larria izan zuen, entrenatzen ari zela, ibilgailu baten kontra talka egin baitzuen. Nafarroako taldeak iragarri duenez, sendatze prozesuan jarraitzen du.
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.