Txomin Juaristi podiumeko bigarren postura igo da Marc Solerrek irabazi duen Asturiasko Itzulian
Txomin Juaristi (Euskaltel-Euskadi) bizkaitarrak bigarren postuan amaitu du Asturiasko 67. Itzulia, Marc Soler (UAE Team Emirates) espainiarrak irabazi duen edizioan. Markina-Xemeingo txirrindularia laugarren izan da azken etapan, eta bigarreneraino igo da sailkapen nagusian.
Lasterketa El Escamplero mendatera iritsi denean, Solerrek mendiko lidergoa sendotu du, eta sailkapen nagusiko beste hautagai batzuk joan dira espainiarrarekin batera: Adria Pericas (UAE Team Emirates), Diego Pescador (Movistar Team), Alexis Guerin (Anicolor/Tien 21) eta Txomin Juaristi (Euskaltel Euskadi).
Oviedoko helmugarako 7 kilometroren faltan, Solerrek ihes egin du Asturiasko Itzulia irabaztera. Matteo Vercher (Total Energies) frantziarra hiru segundora helmugaratu da, eta Juaristi laugarren sailkatu da, 16 segundora, Guerinekin batera.
Bizkaitarra sailkapen nagusiko podiumeko bigarren mailara igo da, eta Alexis Guerin frantziarra (Anicolor/Tien 21) izan da hirugarren, Hugo de la Calle (Burgos Burpellet BH) eta Samu Fernandez (Caja Rural-Seguros RGA) gazteak gaindituta.
4. ETAPAKO SAILKAPENA
1.- SOLER Marc (UAE) 3:14:39
2.- VERCHER Mattéo (TotalEnegies) +0:03
3.- GUERIN Alexis (Anicolor) +0:16
4.- JUARISTI Txomin (Euskaltel) d. b.
5.- BARCELÓ Fernando (Caja Rural) d. b.
SAILKAPEN NAGUSIA
1.- SOLER Marc (UAE) 15:10:26
2.- JUARISTI Txomin (Euskaltel) +3:37
3.- GUERIN Alexis (Anicolor) +4:15
4.- DE LA CALLE Hugo (Burgos) +1:51
5.- FERNÁNDEZ Samuel (Caja Rural) +1:53
Zure interesekoa izan daiteke
Wout Van Aertek irabazi du bosgarren etapa, esprint jendetsu batean, Parc des Oiseauxen
Sei txirrindulari izan dira eguneko ihesaldiaren protagonistak, tartean, Julen Arriolabengoa Caja Rural taldeko arabarra, baina helmugatik 12 kilometrora tropelak harrapatu ditu.
Esprint jendetsu batean bereganatu du Van Aertek bosgarren etapa
Wout Van Aert (Team Visma) gailendu da Auvernia-Rodano-Alpeetako Tourraren bosgarren etapan. Esprint masibo batek erabaki du gaurko emaitza, belgikarra gainontzekoak baino gehiago izan da eta denboraldiko bigarren garaipena lortu du Montrond-les-Bainsen.
Eibarko Txirrindulari Elkarteak 100 urte bete ditu txirrindularitza bultzatzen
Elkarteak bere mendeurrena dela eta egingo dituen ekintzak aurkeztu ditu gaur arratsaldean egindako ekitaldian. Harrobi zein elitekoa, oro har, txirrindularitza bultzatzen eman ditu 100 urte horiek, baita hainbat kategoriatako lasterketak antolatzen ere.
Ihesaldiko txirrindularien arteko esprinta, eta Simmonsen garaipena, Auvernia-Rodano-Alpeetako Tourreko laugarren etapan
Lidl-Trek taldeko txirrindulari estatubatuarra ihesaldiko azkarrena izan da gaur, asteazkenez; segundo gutxi batzuengatik. Ihesaldia Montrond-les-Bainsen helmugaratu da.
Simmons garaile atera da eguneko ihesalditik, eta Baudinek maillot horiarekin jarraitzen du
Ameriketako Estatu Batuetako txapeldunak, besteak beste, Finn Fisher-Black (Red Bull Bora) eta Matteo Vercher (Total Energies) atzean utzi ditu 10 txirrindulariko esprintean.
Team Vismari taldekako erlojupekoan garaipena eman dion Jorgensonen esprinta
Matteo Jorgenson estatubatuarraren azken esprintak garaipena eman diot Team Vismari, Auvernia-Rodano-Alpeak Tourreko taldekako erlojupekoan, hirugarren etapan. INEOS taldea izan da bigarren, eta EF Education hirugarren. Hortaz, Alex Baudin frantziarrak jarraitzen du líder izaten.
Matteo Jorgensonen Visma taldeak erlojupekoa irabazi du Perreuxen
Bigarren Netcompany INEOS Erresuma Batuko taldea sailkatu da, eta hirugarren EF Education-EasyPost, irabazleengandik 29 segundora. Horrela, Alex Baudin txirrindulari frantziarrak lidergoari eutsi dio.
Anthon Charmigek irabazi duen Auvernia-Rodano-Alpeak Tourreko 2. etapako azken kilometroa
Anthon Charmig (Uno-X-Mobility) gailendu da Auvernia-Rodano-Alpeak Tourreko bigarren etapan. Bere ibilbideko bigarren garaipena lortu du danimarkarrak. Henri-Françoi Renard-Haquin (Team Picnic PostNL) frantziarra iritsi da bigarren, eta Vlad Van Mechelen (Bahrain-Victorious) hirugarren.
Charmigek lortu du garaipena Le Puy-en-Velayn, bigarren etapan, ihesaldi luze baten ostean
Uno-X Mobility taldeko txirrindulari danimarkarrak 200 kilometro baino gehiago egin ditu eguneko ihesaldian. Etapako azken igoeran lasterketa-buruan geratu dira Charmig, Garcia Pierna eta Braz. Daniarrak tartea ireki du, eta bakarrik helmugaratu da.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.