Simon Carr britainiarra, Calvia Trofeoaren irabazle
Simon Carr britainiarra gailendu da Mallorcako Challengeko lehen proban. EF Educationeko txirrindulariak Aleksandr Vlasov (BORA) errusiarra (bigarren) eta Brandon McNulty (UAE) estatubatuarra (hirugarren) gainditu ditu. Ezkio-Itsasoko Alex Aranburu txirrindulariak merituzko laugarren postua lortu du.
Bost txirrindularik ekin diote ihesaldiari helmugatik 37 kilometrora, Calvian. Horietako hiruk, McNultyk, Vlasovek eta Carrek, erasoa jo dute eta gainontzeko txirrindulariekiko tartea ireki dute. Helmugarako bi kilometro eskas falta zirela, McNultyk arazo muskularrak izan ditu, eta lehen posturako lehiatik kanpo geratu da.
Garden Hotels-Luxcom Challenge lasterketan, Ses Salinas-Felanitx Trofeoa jokatuko da ostegun honetan. Bertan Movistar, Lidl-Trek, Soudal Quick Step, Bora Hansgrohe, UAE, Cofidis, Education Firts Easypost eta Arkea B & B Hotels taldeek hartuko dute parte, besteak beste. Txapelketaren formatuak berdina izaten jarraituko du, sailkapen nagusirik gabe.
SAILKAPENA:
Calvia Garaikurraren sailkapena
1 - CARR Simon (EF Education) 3:48:47
2 - VLASOV Aleksandr (BORA) d. b.
3 - MCNULTY Brandon (UAE) + 0:27
4 - ARANBURU Alex (Movistar) + 1:32
5 - BETTIOL Alberto (EF Education) + 1:33
6 - COSTA Rui (EF Education) + 2:03
7 - MAYRHOFER Marius (Tudor) d. b.
8 - PAGE Hugo (Intermache) d. b.
9 - VAN WILDER Ilan (Soudal) d. b.
10 - ZOCCARATO Samuele (VF Group) d. b.
14 - ARRIETA Igor (UAE) d. b.
16 - MINTEGUI Iker (Euskaltel) + 2:04
Zure interesekoa izan daiteke
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Küngek irabazi du erlojupekoa eta Masek lidergoa mantendu du
Enric Masek maillot gorria mantendu du El Puerto de Santa María eta Jerez de la Frontera arteko erlojupekoan. Primoz Roglicek aldea murriztu du, baina ez lidergoa arriskuan jartzeko adina. Stefan Küngek irabazi du etapa denborarik onena eginda.
Neurozirujau batek ebakuntza egin dio Jaume Guardeño Caja Rural-Seguros RGA taldeko txirrindulariari
Alacanteko ziklistak, apirilean, istripu larria izan zuen, entrenatzen ari zela, ibilgailu baten kontra talka egin baitzuen. Nafarroako taldeak iragarri duenez, sendatze prozesuan jarraitzen du.
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.
Brenner nagusitu da La Panderan, eta Masek lehen postua sendotu du
Marco Brennerrek irabazi du Vueltako 14. etapa, ihesaldi luze baten ondoren, La Pandera mendatean jarritako helmugan esprintean nagusituta. Enric Masek, bere aldetik, aurrerapauso handia eman du sailkapen nagusian, Primoz Roglicekiko aldea handituta.