Nazioarteko Federazioak, Jumbori eta Soudali: "Fusioek kontratuak errespetatu behar dituzte"
Nazioarteko Txirrindularitza Federazioak Jumbo-Visma eta Soudal Quick-Step taldeei esan die balizko fusio batek errespetatu egin beharko lituzkeela "Nazioarteko Txirrindularitza Federazioaren araudiek aurreikusitako prozedurak eta xedapenak", eta bermatu egin beharko lituzkeela "langile guztien kontratuak bete egingo direla". Asteartean kaleratu duen ohar batean, erakundeak Herbehereetako eta Belgikako taldeen arteko balizko fusioa izan du hizpide; izan ere, fusio hori "komunikabideetan dabil".
"Honelako edozein eragiketak Nazioarteko Txirrindularitza Federazioaren arauak eta xedapenak errespetatu behar ditu; hain zuzen ere, horien bidez daude bermatuta tartean dauden taldeetako kontratuak, txirrindularienak ez ezik, baita zuzendaritza taldeetako kideenak, medikuenak, mekanikarienak, kirol laguntzaileenak eta gidarienak ere. Horrek berebiziko garrantzia du Nazioarteko Txirrindularitza Federazioarentzat", azaldu du.
Horrez gain, nazioarteko erakundeak nabarmendu duenez, fusioak eragina izango luke UCI WorldTour mailako lizentzien esleipena egiteko. Jumbo-Visma eta Soudal Quick-Step taldeek lehiatzeko maila hori dute, 2025era arte, baina, dena dela, "araudiarekin bat eginda, lizentzia hori noiznahi azter lezakete berriro".
"2024ko denboraldian bi taldeetako baten jarraipena bermatuta ez balego, UCI WorldTeam mailako 17 talde egongo lirateke 2024ko eta 2025eko denboraldietan; ondorioz, lasterketetara automatikoki gonbidatutako UCI ProTeam mailako taldeen kopuruak gora egingo luke, araudiak jasota duenez", azaldu du Nazioarteko Txirrindularitza Federazioak.
WorldTour mailako denboraldia nola antolatu erabakitzeko, erakundeak kontuan izango du "antolatze irizpidea", eta, aldizka, "kirol irizpidea" ere bai; kanpoko auditore batek laguntzen du zeregin horretan (PwC da gaur egun), "ezaugarri finantzarioak eta kontratuak egiaztatzeko".
Fusioa azkenean gauzatuko balitz, lizentziekin lotuta hartu beharreko erabakiaren xedea litzateke "ziurtatzea taldeek araudia errespetatzen dutela, bereziki jarraitutasunari eta langileen kontratuei dagokienez".
"Talderen baten egoeran aldaketa esanguratsuren bat izango balitz, hori izen-emate prozesuan adierazi behar da, Nazioarteko Txirrindularitza Federazioak aztertu ahal izan dezan", gogoratu du erakundeak. Urriaren 19an emango du jakitera, prentsa-ohar bidez, zein taldek aurkeztu duten funtsezko informazioa.
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.