Mikel Landak Soudal Quick-Step taldean jardungo du datozen bi denboraldietan
Mikel Landa txirrindulari arabarrak datozen bi urteetarako kontratua sinatu du Soudal Quick-Step taldearekin, Belgikako taldeak asteazken honetan jakitera eman duenez.
"Mikel Landak, mende honetako euskal txirrindulari onenetako batek, bi urteko kontratua adostu du Soudal Quick-Step taldearekin", adierazi du Belgikako taldeak bere webgunean, eta itzuli handietarako errefortzu gisa iragarri du ohar baten bidez.
Duela 33 urte Murgian (Araba) jaiotako txirrindulariak bi podium ditu Italiako Giroan (2015 eta 2022) eta 16 etapa garaipen erdietsi ditu 2011n profesional egin zenetik. Bahrainen hiru urte eman ostean, Soudal Quick-Step taldearekin sinatu du kontratua. Landaren talde berriaren asmoa da horren "eskalatzaile dohain handiak" eta "azken hamarkadan parte hartu duen 19 itzuli handietan lortutako esperientzia oso baliotsua" baliatzea.
"Oso hunkituta nago Soudal Quick-Step taldearekin bat egiteagatik, betidanik errespetu handia izan diodan talde ikaragarria baita. Kanpotik begiratuta, beti txunditu nau bere txirrindulariak nola egoten diren elkartuta era guztietako egoeretan eta nola babesten duten beti bere liderra. Orain arte, Italiako, Espainiako eta Erresuma Batuko taldeetan egon naiz, eta orain Belgikako kultura ezagutzeko irrikan nago", adierazi du Landak bere talde berriak zabaldutako adierazpenetan.
Euskal txirrindularia erronka berriaren aurrean "pozik eta motibatuta" agertu da, eta Remco Evenepoelen alde egingo duela lan adierazi du. "Esperientzia handiarekin nator hona, batez ere itzuli handietan, podiumerako borrokan egon edo taldekideei hainbat aldiz irabazten lagundu ondoren", esan du.
"Beti sentitu naiz eroso txirrindulari gazteagoei laguntzen, eta badakit ondo moldatuko naizela hemen. Datozen denboraldietan nire onena eman nahi dut, Remcori asko lagundu diezaiokedala uste dut, eta, aldi berean, aukera ematen didatenean, nik neuk emaitza ona lortzea espero dut", esan du Landak.
Patrick Lefevere Soudal Quick-Step taldeko zuzendari nagusiak azaldu duenez, "aspalditik" ezagutzen dute txirrindulari arabarra, "itzuli handietako igoera gogorretan aurrealdean etengabe egon baita". "Gure taldea sendotzeko kide egokia dela uste dugu, gure arreta pixkanaka sailkapen orokorrera aldatzen dugun heinean. Espero dugu bi denboraldi sendo eta arrakastaz beteak izatea", zehaztu du.
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.