Westerikek IDK Euskotrenen jokatuko du 2023-2024 denboraldian
IDK Euskotrenek Laura Westerik (Nimega, Herbehereak, 1998-12-31) hegaleko jokalaria fitxatu du 2023-2024 denboraldirako. Herbehereetako hegaleko jokalaria 1,76 metro luze da, eta Endesa Ligako Embutidos Pajariel Bembibre taldean jokatu du 2022-2023 sasoian.
Westerikek Lekdeted.nl Basketball taldearekin egin zuen debuta Herbehereetako maila gorenean. Gainera, bere herrialdeko selekzioaren maila guztietatik pasatutakoa da, baita talde nagusiarekin Europako txapelketak jokatutakoa ere. 2014an, CTO Amsterdam taldeak fitxatu zuen, eta, ondoren, Orange Blizzardsera joan zen; han, Eurokopa jokatu zuen. 2016an, aldiz, FSG Royal Eaglesek fitxatu zuen. Urtebete geroago, ordea, Amsterdam Angelsera joan zen, eta Eurokopara sailkatzeko atarikoan lehiatu zen.
2018-2019 sasoian, berriz, taldez aldatu zen. Herner TC taldeak fitxatu zuen, eta kopa bat eta liga txapelketa bat irabazi zituen Alemanian emandako hiru denboraldietan.
Bestalde, 2021-2022 denboraldian, Sportiva/Azoris Hotels Ponta Delgada Portugalgo taldean aritu zen. Ligako txapeldunorde izan zen, eta jokatu zituen 12 partidetan, batez beste, 14 puntu eta 7 errebote erdietsi eta 3 asistentzia eman zituen partidako. Denboraldi erdian, ordea, Italiako Della Fiore Broni taldera joan zen.
Aurreko denboraldian (2022-2023), Bembibrek fitxatu zuen. 30 neurketa jokatu zituen Espainiako taldearekin, eta, batez beste 6,5 puntu eta 2 errebote lortu zituen.
Herbeheretarraren ezaugarri nagusiak dira defentsako sendotasuna eta erasorako gaitasuna.
Zure interesekoa izan daiteke
Ibaeta Basketek Mirai Euskotren izena izango du aurrerantzean
IDK Elektronikak hamabi denboraldi eman ditu babesle nagusi. Orain, Donostiako taldeak beste izen bat izango du, eta, 2026-2027 denboralditik, Mirai Euskotren izango da.
IDK Euskotrenek Gedna Capel hegal-pibota fitxatu du, 2026-2027 denboraldirako
Gipuzkoako taldeak jokalari kataluniarra fitxatu duela iragarri du. Capelek duela egun batzuk egin ditu 24 urte, eta 1,85eko altuera du.
IDK Euskotrenek Sacha Washington pibota fitxatu du
Euskal taldeko jokalari berriak 23 urte ditu, eta 1,88ko altuera du: “Goian hegan egingo dugu hari esker”, adierazi du IDK Euskotrenek estatubatuarraren gainean; Vanderbilteko Unibertsitatetik iritsi da Donostiara.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Lara Gonzalezek IDK Euskotrenekin berritu du 2026-2027 denboraldirako
Kapitainak, Gipuzkoako klubeko historian partidarik gehien jokatu dituen emakumeak, gutxienez datorren denboraldiko amaierara arte jarraituko du IDKn.
Yvonne Ejim, Kristine Vitola eta Roso Buchek ez dute IDK Euskotrenen jarraituko hurrengo denboraldian
Kanadarra iazko uztailean iritsi zen Donostiako taldera; letoniarra, berriz, 2026ko urtarrilean, eta kataluniarra, 2024ko uztailean.
Roso Buchek ez du IDK Euskotrenen jarraituko
Eskolta kataluniarrak bi denboraldi eman ditu Gipuzkoako taldean; Lointek Gernikatik ailegatu zen hara, 2024an.
Paige Robinsonek 2026-2027 denboraldira arte berritu du IDK Euskotrenekin
Gainera, jokalaria WNBAko Atlanta Dreams taldeak deitu du, haren training campera joateko. Euskal taldeak hara joatea erraztu du, baina, hori baino lehen, eskoltaren kontratua berritu du.
Itziar Ariztimuño eta Irene Murua IDK Euskotreneko jokalariek porrotaren irakurketa positiboa egin dute
Final-laurdenetako kanporaketan Casademont Zaragozaren kontra 71-61 galdu ondoren, Itziar Ariztimuñok Aragoiko taldearen "kalitatea" azpimarratu du, eta neurketak "ikasteko" balio izatea espero du. Irene Murua "taldeaz harro" agertu da.
IDK Euskotren Kopatik at geratu da, final-laurdenetan Casademont Zaragoza indartsuaren aurka 71-61 galduta
Azu Muguruzaren jokalariek lehen laurden bikaina jokatu dute eta Aragoiko taldearen erasoei eutsi diete bigarren laurdenaren amaierara arte, baina hortik aurrera gipuzkoarren ilusioak zapuztu ditu Zaragoza boteretsuak.