Coulibalyk, Adamsek, Sorianok eta beste bost jokalarik ez dute jarraituko IDK Euskotrenen
Mariam Coulibaly, Joy Adams, Cristina Soriano, Alima Dembele, Nicole Cardaño, Natalia Rodriguez, Claudia Cuic eta Paula Estebas jokalariek ez dute IDK Euskotrenen jarraituko, Donostiako klubak asteazkenean jakitera eman duenez. Coulibalyk hiru denboraldi eman ditu Gipuzkoako taldean, Adams eta Soriano bina denboralditan izan dira IDK Euskotreneko jokalariak, eta beste bostak, alegia, Dembele, Cardaño, Natalia Rodriguez, Cuic eta Estebas, bukatu berri den denboraldian aritu dira IDK Euskotrenen.
Testuinguru honetan, klubak nabarmendu du Coulibalyren ekarpena "bikaina" izan dela, eta gogora ekarri du nola 2021-22 denboraldiko jokalaririk onenarentzako sarirako izendatutako hiru jokalarietako bat izan zen: "Haren umiltasunak eta lan etikak oroitzapen ahaztezina utzi dute. Ezinezkoa izan da laugarren denboraldirako berritzea, baina espero dugu gure bideek berriro bat egitea", zehaztu du IDK Euskotrenek.
Joy Adamsek, klubaren iritziz, "konpromiso handia erakutsi du kantxan: defentsan, errebotean, asistentziak eginez, eta kalitatea eta puntuak emanez. Eurocupen parte hartu du, eta klubaren historiarako oroitzapen ederrak utzi dizkigu horrek. Cristina Soriano "hazi egin da, jokalari gisa", IDK Euskotrenen arabera.
Alima Dembele 2022ko azaroan iritsi zen taldera, Nicole Cardaño eta Natalia Rodriguez azken denboraldian aritu dira IDK Euskotrenen, eta Claudia Cuic eta Paula Estebas azken neguko merkatuan fitxatu zituzten; bost jokalari horiek ere utziko dute Donostiako taldea.
Zure interesekoa izan daiteke
Ibaeta Basketek Mirai Euskotren izena izango du aurrerantzean
IDK Elektronikak hamabi denboraldi eman ditu babesle nagusi. Orain, Donostiako taldeak beste izen bat izango du, eta, 2026-2027 denboralditik, Mirai Euskotren izango da.
IDK Euskotrenek Gedna Capel hegal-pibota fitxatu du, 2026-2027 denboraldirako
Gipuzkoako taldeak jokalari kataluniarra fitxatu duela iragarri du. Capelek duela egun batzuk egin ditu 24 urte, eta 1,85eko altuera du.
IDK Euskotrenek Sacha Washington pibota fitxatu du
Euskal taldeko jokalari berriak 23 urte ditu, eta 1,88ko altuera du: “Goian hegan egingo dugu hari esker”, adierazi du IDK Euskotrenek estatubatuarraren gainean; Vanderbilteko Unibertsitatetik iritsi da Donostiara.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Lara Gonzalezek IDK Euskotrenekin berritu du 2026-2027 denboraldirako
Kapitainak, Gipuzkoako klubeko historian partidarik gehien jokatu dituen emakumeak, gutxienez datorren denboraldiko amaierara arte jarraituko du IDKn.
Yvonne Ejim, Kristine Vitola eta Roso Buchek ez dute IDK Euskotrenen jarraituko hurrengo denboraldian
Kanadarra iazko uztailean iritsi zen Donostiako taldera; letoniarra, berriz, 2026ko urtarrilean, eta kataluniarra, 2024ko uztailean.
Roso Buchek ez du IDK Euskotrenen jarraituko
Eskolta kataluniarrak bi denboraldi eman ditu Gipuzkoako taldean; Lointek Gernikatik ailegatu zen hara, 2024an.
Paige Robinsonek 2026-2027 denboraldira arte berritu du IDK Euskotrenekin
Gainera, jokalaria WNBAko Atlanta Dreams taldeak deitu du, haren training campera joateko. Euskal taldeak hara joatea erraztu du, baina, hori baino lehen, eskoltaren kontratua berritu du.
Itziar Ariztimuño eta Irene Murua IDK Euskotreneko jokalariek porrotaren irakurketa positiboa egin dute
Final-laurdenetako kanporaketan Casademont Zaragozaren kontra 71-61 galdu ondoren, Itziar Ariztimuñok Aragoiko taldearen "kalitatea" azpimarratu du, eta neurketak "ikasteko" balio izatea espero du. Irene Murua "taldeaz harro" agertu da.
IDK Euskotren Kopatik at geratu da, final-laurdenetan Casademont Zaragoza indartsuaren aurka 71-61 galduta
Azu Muguruzaren jokalariek lehen laurden bikaina jokatu dute eta Aragoiko taldearen erasoei eutsi diete bigarren laurdenaren amaierara arte, baina hortik aurrera gipuzkoarren ilusioak zapuztu ditu Zaragoza boteretsuak.