IDK Euskotrenek galdu egin du Asvelen aurka puntu bakarragatik, luzapena behartu ostean
IDK Euskotrenek galdu egin du Asvel Lyonen aurka (70-71) jokatu duen Eurokopako K multzoko laugarren jardunaldiko partida eta txapelketan aurrera egiteko ia aukerarik gabe geratu da. Gipuzkoako taldeak norgehiagoka ona jokatu du: luzapena behartu du, baina galtzaile izan da puntu bakarragatik.
Hasiera kaskarra eman dio partidari IDK Euskotrenek. Asvel nagusi izan da lehen minutuetan eta 11 puntuko abantaila erdietsi du (2-13). Lehen laurdeneko azken minutuetan, ordea, Gipuzkoako taldearen erreakzioa iritsi da, eta desabantaila murriztea lortu du (14-17).
Bigarren laurdenari bikain ekin dio Donostiako taldeak, markagailuan aurretik jartzea lortuta (18-17). Hala ere, azkar erantzun du Asvelek eta Frantziako taldeak sei puntuko errenta hartu du (22-26). IDK Euskotreni neurketa maldan gora jarri zaion arren, ez du etsi, eta aldeko 31-30eko emaitzarekin heldu da atsedenaldira.
Aldageletatik pasatu ostean, talde frantziarra nagusi izan da kantxan. Asvelek zuloa ireki du markagailuan (34-41). IDK Euskotreni kosta egin zaio desabantaila murriztea: ondorioz, talde bisitariak sei puntuko errentarekin (41-47) ekin dio azken laurdenari.
Desabantaila ezin murriztuta ibili da IDK Euskotren azken laurdenean zehar, baina partida amaitzeko 21 segundo falta zirenean hiru puntura kokatu da Donostiako taldea (56-59). Neurketako azken-aurreko jabetza IDK Euskotrenek izan du; azken segundoan luzapena behartu du Maria Españak sartutako hirukoari esker (61-61).
Estu joan da partida luzapenean. Amaierarako bederatzi segundo soilik falta zirenean, puntu bateko abantaila izan du Asvelek. Azken jabetza IDK Euskotrenentzat izan da, baina Donostiako taldea ez da gai izan saskiratzeko, eta porrota jaso du (70-71).
Fitxa teknikoa:
70 .- IDK Euskotren: Joy Adams (20), Yurena Díaz (6), María España (16), Natalia Rodríguez (2), Coulibaly (7)-hasierako taldea- Cardaño (17), Kadri- Ann Lass, Ana Esnal, Cristina Soriano (2) eta Jasa.
71 .- Lyon Asvel: Chartereau (13), Ciak (14), Dietrick (7), Laura Quevedo (9), Johannes (23) - cinco inicial- Faurat, Gruda, Jocyte (5), Malonga, Willians, Vitta eta Alemand.
Epaileak: Dominique (Gibraltar), Marques da Silva (Portugal) eta Perclavalle (Italia).
Emaitzak laurden bakoitzaren amaieran: 14-17: 31-30- atsedenaldia- 41-47; 61-61 (amaiera). 70-71 (luzapena).
Zure interesekoa izan daiteke
Ibaeta Basketek Mirai Euskotren izena izango du aurrerantzean
IDK Elektronikak hamabi denboraldi eman ditu babesle nagusi. Orain, Donostiako taldeak beste izen bat izango du, eta, 2026-2027 denboralditik, Mirai Euskotren izango da.
IDK Euskotrenek Gedna Capel hegal-pibota fitxatu du, 2026-2027 denboraldirako
Gipuzkoako taldeak jokalari kataluniarra fitxatu duela iragarri du. Capelek duela egun batzuk egin ditu 24 urte, eta 1,85eko altuera du.
IDK Euskotrenek Sacha Washington pibota fitxatu du
Euskal taldeko jokalari berriak 23 urte ditu, eta 1,88ko altuera du: “Goian hegan egingo dugu hari esker”, adierazi du IDK Euskotrenek estatubatuarraren gainean; Vanderbilteko Unibertsitatetik iritsi da Donostiara.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Lara Gonzalezek IDK Euskotrenekin berritu du 2026-2027 denboraldirako
Kapitainak, Gipuzkoako klubeko historian partidarik gehien jokatu dituen emakumeak, gutxienez datorren denboraldiko amaierara arte jarraituko du IDKn.
Yvonne Ejim, Kristine Vitola eta Roso Buchek ez dute IDK Euskotrenen jarraituko hurrengo denboraldian
Kanadarra iazko uztailean iritsi zen Donostiako taldera; letoniarra, berriz, 2026ko urtarrilean, eta kataluniarra, 2024ko uztailean.
Roso Buchek ez du IDK Euskotrenen jarraituko
Eskolta kataluniarrak bi denboraldi eman ditu Gipuzkoako taldean; Lointek Gernikatik ailegatu zen hara, 2024an.
Paige Robinsonek 2026-2027 denboraldira arte berritu du IDK Euskotrenekin
Gainera, jokalaria WNBAko Atlanta Dreams taldeak deitu du, haren training campera joateko. Euskal taldeak hara joatea erraztu du, baina, hori baino lehen, eskoltaren kontratua berritu du.
Itziar Ariztimuño eta Irene Murua IDK Euskotreneko jokalariek porrotaren irakurketa positiboa egin dute
Final-laurdenetako kanporaketan Casademont Zaragozaren kontra 71-61 galdu ondoren, Itziar Ariztimuñok Aragoiko taldearen "kalitatea" azpimarratu du, eta neurketak "ikasteko" balio izatea espero du. Irene Murua "taldeaz harro" agertu da.
IDK Euskotren Kopatik at geratu da, final-laurdenetan Casademont Zaragoza indartsuaren aurka 71-61 galduta
Azu Muguruzaren jokalariek lehen laurden bikaina jokatu dute eta Aragoiko taldearen erasoei eutsi diete bigarren laurdenaren amaierara arte, baina hortik aurrera gipuzkoarren ilusioak zapuztu ditu Zaragoza boteretsuak.