IDK Gipuzkoak partida bikaina jokatu eta finalerdietarako txartela lortu du (61-79)
IDK Gipuzkoa taldeak Erreginaren Kopako finalerdiak jokatzeko sailkatu da ostiral honetan, Galiziako Star Center Uni Ferrol taldea nabarmen azpiratu ostean.
Donostiarrek norgehiagoka handia jokatu dute hasi eta buka, eta apenas utzi diete galiziarrei aukerarik. Izan ere, lehenengo laurden parekatuaren ostean (16-16), bigarrenean egindako lanari esker abantailak hartzen hasi dira, eta ordutik aurrera ez diote utzi norgehiagokan aurretik egoteari.
Hala, atsedenaldira heldu direnean, zazpiko aldeko tartea zuten Azu Muguruzak zuzentzen dituen neskek (32-29).
Hutsarte luzetik bueltan, lehiak antzeko bidean jarraitu du. IDK Gipuzkoak berean jarraitu du, eta Uni Ferroleko jokalariak etsitzen hasi dira apurka-apurka, ez baitzuten ikusten nola gainditu donostiarren defentsa. Horren isla izan da hirugarren laurden amaierako aldea 15 puntura igo izana (47-62).
Azken laurdenak ez du historiarik izan, eta abantailak gora egiten jarraitu du, 20 puntukoa izatera iritsi arte. Bukaerako emaitzak, garbi utzi du gipuzkoarren nagusitasuna: 61-79.
Lyndra Weaver izan da gipuzkoarren aldetik puntu gehien sartu dituena (22), baita balorazio onena lortu duena ere (29).
Perfumerias Avenida, final-erdietan
Final-laurdenetako sailkapena poltsikoratu ostean, IDK Gipuzkoak egungo txapelduna, Perfumerias Avenida, izango du aurkari, larunbatean, 12:00etan.
Zure interesekoa izan daiteke
IDK Euskotrenek Gedna Capel hegal-pibota fitxatu du, 2026-2027 denboraldirako
Gipuzkoako taldeak jokalari kataluniarra fitxatu duela iragarri du. Capelek duela egun batzuk egin ditu 24 urte, eta 1,85eko altuera du.
IDK Euskotrenek Sacha Washington pibota fitxatu du
Euskal taldeko jokalari berriak 23 urte ditu, eta 1,88ko altuera du: “Goian hegan egingo dugu hari esker”, adierazi du IDK Euskotrenek estatubatuarraren gainean; Vanderbilteko Unibertsitatetik iritsi da Donostiara.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Lara Gonzalezek IDK Euskotrenekin berritu du 2026-2027 denboraldirako
Kapitainak, Gipuzkoako klubeko historian partidarik gehien jokatu dituen emakumeak, gutxienez datorren denboraldiko amaierara arte jarraituko du IDKn.
Yvonne Ejim, Kristine Vitola eta Roso Buchek ez dute IDK Euskotrenen jarraituko hurrengo denboraldian
Kanadarra iazko uztailean iritsi zen Donostiako taldera; letoniarra, berriz, 2026ko urtarrilean, eta kataluniarra, 2024ko uztailean.
Roso Buchek ez du IDK Euskotrenen jarraituko
Eskolta kataluniarrak bi denboraldi eman ditu Gipuzkoako taldean; Lointek Gernikatik ailegatu zen hara, 2024an.
Paige Robinsonek 2026-2027 denboraldira arte berritu du IDK Euskotrenekin
Gainera, jokalaria WNBAko Atlanta Dreams taldeak deitu du, haren training campera joateko. Euskal taldeak hara joatea erraztu du, baina, hori baino lehen, eskoltaren kontratua berritu du.
Itziar Ariztimuño eta Irene Murua IDK Euskotreneko jokalariek porrotaren irakurketa positiboa egin dute
Final-laurdenetako kanporaketan Casademont Zaragozaren kontra 71-61 galdu ondoren, Itziar Ariztimuñok Aragoiko taldearen "kalitatea" azpimarratu du, eta neurketak "ikasteko" balio izatea espero du. Irene Murua "taldeaz harro" agertu da.
IDK Euskotren Kopatik at geratu da, final-laurdenetan Casademont Zaragoza indartsuaren aurka 71-61 galduta
Azu Muguruzaren jokalariek lehen laurden bikaina jokatu dute eta Aragoiko taldearen erasoei eutsi diete bigarren laurdenaren amaierara arte, baina hortik aurrera gipuzkoarren ilusioak zapuztu ditu Zaragoza boteretsuak.
Azu Muguruza: “% 100 ematera atera behar gara, gauzak ahalik eta ondoen egitera”
IDK Euskotrenek Erreginako Kopako final-laurdenak jokatuko ditu Zaragozaren aurka, Tarragonan. Azu Muguruzak, taldearen entrenatzaileak, argi dauka ehuneko ehunean jardun beharko dutela aurrera egiteko.