Albiste da:

Lointek Gernikak Portugaleko Uniao Sportivaren aurrean ekingo dio Eurokopari

Malosten jokatuko duten norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.

EITB EUS

2025/10/08 - 10:46

Azken eguneratzea

2025/10/08 - 10:57

Lointek Gernikak Uniao Sportiva Azoris Hotels Portugaleko taldearen bisita hartuz abiatuko du Eurokopako multzoen fasea, gaur arratsaldean, 20:00etan.

EITB Mediak neurketa ikusteko aukera emango du, zuzenean, streaming bidez eitb.eus-en, eta telebistaz, ETB4n.

Euskal taldeak hainbat baja izango ditu. Batetik, Angela Salvadoresek ezingo du jokatu, azken partidan min hartu zuelako. Bestetik, oraindik lesionatuta jarraitzen du Cameron Williamsek, aurredenboraldian ezker oineko orpazurda hautsi baitzuen. Hala, Lucas Fernandez entrenatzaileak Ane Iturrioz gaztea deitu du hitzordurako.

Uniao Sportiva Portugalgo ligan Barcelosi irabaztetik dator. Monique Soares da jokalari nabarmenena, neurketa horretan 22 puntu sartu eta zazpi errebote hartu zituen eta, besteak beste. Lointek Gernikak Greziako PAS Gianina aise menderatuta lortu zuen multzoen fasera sailkatzea.

Zure interesekoa izan daiteke

Samantha Galanopoulos joko-antolatzaile greziarra Gernika KESB taldera batu da

Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.

Gernika KESBk Elena Bosgana hegaleko greziarra fitxatu du, 2026-2027 denboraldirako

Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.

Naia Zubiagak ez du Gernika KESBen jarraituko datorren denboraldian

Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.

Gernika KESB taldeak Seehia Ridard hegal-pibot frantziarra fitxatu du

Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.

Esther Matarranzek Gernika KESB taldearekin berritu du

Barruko jokalari madrildarrak beste urtebetez defendatuko du elastiko granatea.

Aaronette Vonleh pibotak kontratua berritu du Gernika KESB taldearekin

Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.

Estel Puiggros joko-antolatzaile kataluniarra, Gernika KESBren lehen fitxaketa

Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.