IDK Euskotren jaun eta jabe izan da Lointek Gernikaren aurkako derbian (75-54)
IDK Euskotren aise nagusitu zaio Lointek Gernika taldeari, Gasca kirolegian jokatutako azken derbian (75-54). Donostiarrek argi utzi dute sasoiko daudela, lehiaketa erritmo handiagoarekin, eta bizkaitarrei, berriz, gehiegi nabaritu zaie 40 egun luze daramatzatela ligako partidarik jokatu gabe. Hala ere, bizkaitarrek azken laudenera arte itxaropenari eutsi diote, orduan hauti baitu partida etxeko taldeak.
Hala ere, Mario Lopezen taldeak ondo hasi du neurketa. 0-6 aurreratu dira lehen minutuetan, baina 10nako berdinketaren ostean, gipuzkoarrek neurketaren kontrola hartu dute eta hortxe hasi dira gernikarren arazoak. Horrela, lehen laurdena 19-12 amaitu da, IDK Euskotrenen alde.
Bigarren laurdenean, gipuzkoarrek 12 puntuko aldea zabaldu dute (24-12), baina Lointek txukun aritu da errebotean eta horrek aldea handitzea ekidin du.
Atsedenaldiaren ostean, bizkaitarrek hobera egin dute eta 42 eta 41 hurbildu dira markagailuan. Aurretik jartzeko aukera izan dute, baloiaren jabetza izan dutenean, baina ez dute aprobetxatu. Estualdia gaindituta, IDK Euskotren lasaitasunez jokatzen ari da baloia ondo mugituz, eta erasoan berriro, kostata bada ere, asmatuz.Hirugarren laurdena 46-41 amaitu da.
Azken laurdena, erabakigarria
Derbia azken 10 minutuetan hautsi da. Donostiarrek euren erritmoa jarri dute eta bizkaitarrei, berriz, nekea eta erritmo falta nabaritu zaie. Azkenean, etxeko taldea 75 eta 54 gailendu da, ligako bederatzigarren garaipena da donostiarrentzat. Lointekek hiru partida oso garrantzitsu ditu aurretik Erreginaren Kopa jokatzeko libre dauden bi txarteletako bat lortzeko.
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
