Lointek Gernika - Mersin Yenisehir, zuzenean ETB4n eta eitb.eus-en
Lointek Gernika Bizkaiak asteazken honetan hasiko du Eurokopako play-offetako lehen kanporaketa (20:00), eta Turkiako CBK Mersin Yenisehir talde indartsua izango du aurrez aurre Malosten jokatuko den neurketan.
Mario Lopezek zuzentzen duen taldeak ezusteko sari gisa jaso du Eurokopako bigarren faseko lehen txanda hau, aurretik jokatutako multzoen fasean txapelketatik kanpo ikusi baitzuen bere burua, sei partidatan bi garaipen bakarrik lortu ondoren.
Bizkaiko taldeak oso aurkari gogorra gainditu beharko du; izan ere, Poloniako Lublin eta Gorzow eta Bielorrusiako Horizont taldeen aurka multzoen fasean jokatutako norgehiagoka guztiak aise irabazi zituen (6-0).
Bien bitartean, Gernikaren balantzeak (2 neurketa irabazi eta 4 galdu) argi uzten du Turkiako taldea faborito izango dela kanporaketa honetan.
Mersin taldeko jokalarien artean nabarmentzekoak dira Tiffany Hayes antolatzailea (18,7 puntu, 6,8 asistentzia eta 23ko balorazioa lehen fasean) eta Kristine Anigwe pibota (1,93 m; 14 puntu, 13 errebote eta 20,3ko balorazioa).
Shavonte Zellous eta Yvonne Turner hegalekoek eta Temi Fagbenie barruko jokalariak osatzen dute hasierako bostekoa. Horrez gain, Esra Ural (1,98 m) eta Quanitra Hollingsworth (1,97 m) pibotek ere ekarpen handia egiten diote taldeari.
Neurketa ETB4n eta eitb.eus-en izango da ikusgai, 20:00etatik aurrera.
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
