Lointek Gernikak final-zortzirenetarako txartela lortu du
Lointek Gernika Bizkaiak porrota jaso du Ciudad de La Laguna Teneriferen aurka (60-61) jokatu duen Eurokopako F multzoko hirugarren eta azken jardunaldiko partida, baina neurketa galdu arren, Gernikako taldeak final-zortzirenetarako txartela eskuratu du multzoko bigarren sailkatu gisa.
Hasierako minutuetan neurketa parekatua izan da, baina seinako (6-6) berdinketaren ostean Lointek Gernika nagusi izan da, eta zuloa ireki du markagailuan (17-6). Hala ere, talde bizkaitarra ez da fin ibili erasoan, eta Tenerifek desabantaila murriztea lortu du (17-10) lehen hamar minutuen amaieran.
Bigarren laurdenean, abantailari eutsi dio Lointek Gernikak ia atsedenaldira iritsi arte, eta zortzi puntuko errenta ere izan du (28-20). Lehen laurdenean gertatu bezala, azken txanpan Tenerife hobea izan da, eta puntu bakarrera gerturatu da talde kanariarra (28-27).
Atsedenaldiaren ostean, lau puntuko errenta erdietsi du Lointek Gernika Bizkaia, baina Tenerifek ez dio abantaila handirik hartzen utzi, eta neurketa berdindu du (34-34 eta 36-36). Ondoren, Bizkaiko taldeak aurretik jarri da (41-36), baina Kanariar Uharteetako taldeak hobeto kudeatu ditu hirugarren laurdeneko azken minutuak, eta puntu bateko abantailarekin iritsi da azken laurdenera (43-44).
Amaierako hamar minutuetan parekotasuna izan da nagusi. Hala ere, Lointek Gernikak izan ditu abantaila handienak (55-50), baina Tenerifek ez dio ihes egiten utzi. Partida amaitzeko hamar segundo falta zirenean, norgehiagoka berdinduta egon da (60-60). Tenerifek jaurtiketa libre bat huts egin, eta bigarrena sartu degin du (60-61). Azken baloi-jabetza talde gernikarrak izan du, ez du saskiratzea lortu, eta talde kanariarrak lortu du garaipena (60-61).
Ficha técnica:
60.- Lointek Gernika (17+11+15+17): Cornelius (9), Ivanovic (3), Bjorklund (15), Ginzo (5) Nogaye Lo (20) –hasierako taldea- Aritzimuno (-), Arrojo (4), Colhado (2) eta Buch (2).
61.- Ciudad de La Laguna Tenerife (10+17+17+17): Bettencourt (2), Raksanyi (5), Atkinson (18), Taylor (16), Fasoula (2) –hasierako taldea- Herrera (-), Kostourkova (2), Santana (1), Ocete (7) Nauwelaers (4) eta Abdi (4).
Epaileak: BIlle (DAN), Bongiorni (ITA) eta Wolzfeld (LUX). Kanporaturik gabe.
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
