Lointek Gernika Bizkaiak beste urrats bat eman du (50-57)
Nadia Colhado pivotaren partida bikainak, 21 punturekin eta 15 erreboterekin, garaipena eman dio Lointek Gernika taldeari Carolo Basketen aurka, Eurokopako fase erregularreko F multzoko bigarren jardunaldiko partidan. Horrela, bizkaitarrek gertuago dute final-zortzirenetarako sailkatzea.
Lointekek ez du partida ondo hasi eta aurkariak aurretik jarri dira, baina Mario Lopezek hutsartea eskatu du, eta taldeak bere jarrera aldatu du. Defentsan hobera egin dute eta, Nogaye Lo jokalariaren puntuekin batera, egoera irauli du (15-18, 10. min).
Nogaye aulkira joan denean, bizkaitarrek bere hutsa nabaritu dute. Colhadok erantzukizuna bere gain hartu duen arren, kanpoko jaurtiketetan ez dute asmatu eta atsedenaldian atzetik izan dira markagailuan (35-31, 20. min).
Hirugarren laurdenaren amaieran Carolo gogoz atera da baina Gernikako jokalariek ondo kontrolatu dute jokoa eta, Colhadoren laguntzarekin, laurdenak ez die ihes egin (44-50).
Azken 10 minutuetan, Colhadoren bi saskiratzeek aurkaria gehiegi hurbiltzea saihestu dute. Bi taldeek huts ugari egin dituzte azken minutuetan, baina gernikarrek ondo eutsi diote emaitzari (50-57).
Fitxa teknikoa
50 - Carolo Basket (15+20+9+6): Bouderra (3), Pouye (14), Nared (2), Miyem (5), Akhator (18) –hasietrako boskotea- Cado (3), Diallo (2), Sy-Diop (1) etaTurner (2).
57 - Lointek Gernika (18+13+19+7): Cornelius (-), Ivanovic (9), Bjorklund (-), Nogaye Lo (10), Ginzo (2) –hasierako boskotea-, Ariztimuno (-), Arrojo (8), Buch (7) eta Colhado (21).
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
