Lointekek galdu egin du Perfumeriasen aurka, eta bigarren postua izan beharko du xede
Lointek Gernika Bizkaiak galdu du asteazken honetan Perfumerias Avenidaren aurka (56-69), Maloste pabiloian jokatutako neurketan, eta F multzoko bigarren postuari heldu beharko dio Eurokopako hurrengo kanporaketan izatea bermatzeko.
Bizkaiko taldeak ligaxkako lidergoa eskuratzeko ilusioarekin ekin dio partidari, lehen itzulian Salamancan jokatutako neurketan hiru puntugatik besterik ez baitzuen galdu (62-59). Alabaina, bisitarien bigarren zati hobe batek ezerezean utzi ditu etxekoek 30 minutuz baino gehiagoz erakutsitako ilusioa eta lehiakortasuna.
Gernikak aurretik amaitu du lehen laurdena (11-10), eta lehian sartuta jarraitu du bigarrenean (24-27) eta hirugarrenean (41-46), baina ezin izan du eragotzi Perfumeriasek azken hamar minutuetan alde egitea (56-69).
Miguel Ortegak zuzentzen dituen jokalarien artean, Kristine Vitola hegal-pibot letoniarra nabarmendu da bereziki (16 puntu, 9 errebote eta 19ko balorazioa). Harekin batera, Tiffany Hayes (10, 4 eta 12), Jewell Loyd (12) eta Karlie Samuelson (10) estatubatuarrek ere ekarpen handia egin dute.
Etxekoen aldetik, berriz, Nikolina Milic bosniarrak (16, 8 eta 14ko balorazioa), Belen Arrojo granadarrak (13 eta 16) eta Nogaye Lo mallorkarrak (8, 4 eta 11) eutsi diote neurketa irabazteko itxaropenari.
Galdu arren, talde bizkaitarrak hurrengo fasean egoteko aukera ugarirekin jarraitzen du oraindik ere, Hungariako Uni Györ (77-41) eta Portugalgo Olivais FC (46-70) taldeen aurka lortutako garaipenei esker. Bi talde horiek ligaxkako azken bi jardunaldietan izango ditu aurkari Lointekek.
Fitxa teknikoa:
56 - Lointek Gernika (11+13+17+15): Ocete (6), Dietrick (8), Wojta (5), Mazionyte eta Milic (16) –hasierako bostekoa– Diez, Ariztimuño, Arrojo (13), Nogaye Lo (8) eta Molina-Prados.
69 - Perfumerias Avenida (10+17+19+23): Silvia Domínguez (7), Hayes (10), Vilaró, Vitola (16) eta Laura Gil (4) –hasierako bostekoa– Cazorla, Loyd (12), Samuelson (10), Hof (8) eta Akhator (2).
Partzialak: 11-10, 24-27 (atsedenaldia); 41-46 eta 56-69 (amaiera).
Epaileak: Ozge Sentürk (Turkia), Serkan Emlek (Turkia) eta Christina Manoli (Frantzia). Ez dute inor kanporatu.
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
