Lointek Gernikak Cegledi irabazi dio eta bizirik darrai txapelketan (81-67)
Lointek Gernika Bizkaiak irabazi egin du asteazken honetan Bilboko Casilla pabilioian VBW CEKK Cegled talde hungariarraren aurka jokatutako Eurokopako partida (81-67); horrez gain, bi taldeen arteko puntu-aldea bere alde jarri du (joaneko partidan 80-68 galdu zuten Hungarian). Horrenbestez, hurrengo fasera pasatzeko aukerekin jarraitzen dute, hirugarren sailkatzen diren lau talde hoberenen artean geratzen badira.
Mario Lopezek zuzentzen dituen nesken artean, Talia Caldwell estatubatuarra izan da protagonista nagusia (22 puntu, 16 errebote eta 32ko balorazioa), batez ere bigarren laurdenaren hasieran, bizkaitarrak hamar puntuko aldea lortzen hasi direnean.
Caldwellekin batera etxekoen artean gehien nabarmendu direnak honako hauek izan dira: Maria Pina hegalekoa (22, 4 eta 20), Marina Bas pibot errusiarra (11, 7, 5 txapel eta 17) Ameryst Alston estatubatuarra (12).
Partida osoan atzetik ibili den CEKK Cegled taldearen aldetik, barruko bi jokalariak izan dira itxura onena eman dutenak: Jelena Maksimovic serbiarra (20, 11 eta 28) eta Chanel Mokango kongoarra (16, 10, 2 txapel eta 18).
Fitxa teknikoa:
Lointek Gernika Bizkaia: 81 (18+25+16+22): Anna Gómez (4), Alston (12), Pina (22), Bas (11) eta Caldwell (22) –hasierako bostekoa- Díez (6), Molina (2), Gastaminza (2) eta Ariztimuño.
VBW CEKK Cegled: 67 (15+18+13+21): Medgyessy (8), Zsovar, Katona (5), Maksimovic (20), Mokango (16) -hasierako bostekoa- Popovic (10), Kanyasi (5) y Lelik (3).
Partzialak: 18-15, 43-33 (atsedenaldia), 59-46 eta 81-67 (amaiera).
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
