Bilbao Basketek finalerdiko itzuliko partida irabazita esan dio agur FIBA Europe Cup txapelketari (73-82)
Surne Bilbao Basket 2023-24 denboraldiko FIBA Europe Cupetik kanpo gelditu da, asteazkenean, Niners Chemnitzen aurka bederatzi puntuz irabazita, 73-82, txapelketako finalerdietako itzuliko partidan, Alemanian; izan ere, emaitza horrek, joaneko neurketan izandakoarekin batera (Chemnitz 25 puntuz gailendu zen, 73-98, Miribillan), Bilboko taldearen aurkariari eman dio finalerako sailkatzea.
Hala, Jaume Ponsarnauren gizonek FIBA Europe Cupeko finalaren atarian gelditu dira, finalaurreko azken emaitza Chemnitzen aldekoa izan baita, 171-155; hori bai, Bilbao Basketek lortu du garaipen hau erdietsita esatea agur txapelketari.
Chemnitzek Bilbon lortutako alde handiak erabat markatu du itzuliko partida. Oso zaila zen Bilbao Basketek markagailua iraultzea, eta Alemaniako taldeak jakin bazekien finalerako txartela ia-ia erabat ziurtatuta zuela. Hala, Chemnitz ez da joanekoan bezain sendo eta indartsu aritu, eta Bilbao Basketek hori baliatu du; gainera, euskal taldeak, azken asteotan Endesa Ligan ere egiten ari denez, norgehiagoka ona jokatu du, eta, ondorioz, partida irabazi egin du.
Markagailua oso parekatuta joan da, azken laurdenean izan ezik. Horretan, Bilbao Basketek aldea lortu du, eta azkenean 73-82 nagusitu da. Atsedenaldian, Ponsarnauren gizonak hiru puntuz zihoazen aurretik, 36-39, eta hirugarren laurdena amaituta, aldiz, Chemnitz ari zen irabazten, 59-57. Azken hamar minutuetan, Bilbao Basketek lortu du tentsioari eustea, eta garaipena lortu du, FIBA Europe Cup modu egokian agur esan dion gauean.
Fitxa teknikoa
73 - Niners Chemnitz (21+15+23+14): Lansdowne (5), Lockhart (), Uguak (5), Garrett (11) eta Krubally (10) -hasierako bostekoa- Kajami-Keane (12), Van Beck (12), Ongwae (10), Ritcher (4) eta Yebo (4).
82 - Bilbao Basket (18+21+18+25): Pantzar (15), Adam Smith (9), Reyes (4), Rabaseda eta Hlinason (10) - hasierako bostekoa-; Renfroe (5), Kullamae (14), Hornsby (11), Andersson (4) eta De Ridder (10).
Partzialak: 21-18, 36-39 (atsedenaldian); 59-57 eta 73-82 (azken emaitza).
Epaileak: Dariusz Zapolski (Polonia), Radomir Vojinovic (Montenegro) eta Josip Jurcevic (Kroazia). Ez dute inor kanporatu.
Gertakariak: FIBA Europe Cupeko finalerdietako itzuliko partida. Meese Chemnitzen jokatu dute.
Zure interesekoa izan daiteke
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.
Ponsarnau: “Batera ahal izan dugun urrunen heldu gara"
Jaume Ponsarnau Surne Bilbao taldeko entrenatzaile eta FIBA Europe Cupeko txapeldunarekin egon gara. Bigarren urtez jarraian atera da irabazle, eta finaleko xehetasunak eta ospakizuneko giroaz aritu gara berarekin.
Mikel Odriozolak zaleekin “Txoria Txori” abesten ospatu du FIBA Europa Kopa
Surne Bilbaoko entrenatzaile laguntzaileak zaleen laguntzarekin "Txoria Txori" abesten ospatu du irabazitako titulua.
Ehunka zale bildu dira Bilbon, FIBA Europa Kopako txapeldunei gorazarre egiteko
Isabel Iturbe presidenteak, Jaume Ponsarnau entrenatzaileak eta Tryggvi Hlinason kapitainak eraman dute garaikurra taldea udaletxera iritsi denean. Amaia Arregi Bilboko jarduneko alkateak taldeari harrera egin dio eskaileretan.
Harald Freyk zaleak animatu ditu “jo ta ke" abestiarekin
Jokalari norvegiarrak, bere taldekideentzat aldagelako liderra denak, Surne Bilbaoko zaleak saltoka jarri ditu Miribillan gehien entzuten den kantuetako batekin.
Ponsarnau, udaletxeko balkoitik: “Talde hau zoragarria eta paregabea da"
Prestatzaile kataluniarrak azpimarratu duenez, "korrontearen aurka goaz gauza guztietan, garaikur hau bi aldiz irabazi dugu, inork ez bezala, eta finala irauliz, inork egin ez bezala". "Baina, batez ere, gu izan nahi dugu, eta irabazi edo galdu, egunen batean tokatzen bada, gure erara", erantsi du.
Surne Bilbaok bere bigarren FIBA Europa Kopa eskaini die zaleei udaletxeko balkoitik
Ehunka jarraitzailek Surne Bilbaori harrera egin diote ostegun honetan, Bizkaiko hiriburuan, 'beltzezko gizonek' asteazkenean bigarren urtez jarraian lortutako FIBA Europa Kopa ospatzeko.
Emozioa eta zoriona Bilbao Basketen zaleen artean, FIBA Europe Cup txapelketa irabazita
Bilbao Basket FIBA Europe Cupeko txapelduna da, PAOK Salonikari irabazira. Jendetza bildu zen Miribillan finala ikusteko.
Mikel Odriozola, Surne Bilbaoren entrenatzaile laguntzailea: “Bide oso-oso luzea izan da, baina, horrela amaitzen denean, merezi du”
FIBA Europa Kopa bigarren aldiz jarraian irabazi eta gero, entrenatzaileak nabarmendu du, Miribillan, zaleengandik jasotako laguntza; izan ere, giro bikaina izan da Bilbao Arenan.
Jaume Ponsarnau, Jon Txakartegiri: “Zale hauek guztiek beti babestu gaituzte, hemen lanean hasi nintzenetik”
Surne Bilbaoren entrenatzailea Jon Txakartegi EITBko esatariak elkarrizketatu du, Miribillan, euskal taldeak bigarren FIBA Europa Kopa irabazita; Xabier de la Fuenteren oparia izan da, emanaldian, Jon Txakartegirentzat.