Bilbao Basket Teneriferen aurka arituko da asteartean, Txapeldunen Ligan, eta zenbait jokalari zalantzan daude
Surne Bilbao Basket eta Lenovo Tenerife nor baino nor gehiago arituko dira asteartean, Miribillan, FIBA Txapeldunen Ligan, 20:00etan. Bilboko taldearentzat oso garrantzitsua da neurketa, baina hainbat zalantza ditu zenbait jokalariren gainean, arazo fisikoak baitituzte. Ez dago argi Denzel Andersson eta Nikola Radicevic prest izango diren, eta Ludde Hakanson eta Agustin Ubal, igandean Endesa Ligan Kanaria Handiaren kontrako partidan aritu ziren arren, oraindik ez daude ehuneko ehunean. Partida eitb.eus-en eta ETB4n izango da ikusgai, zuzenean, 20:00etan.
Bizkaiko taldean, Radicevicen egoera da kezkagarriena; izan ere, igandean, Kanaria Handia taldeko jokalari baten aurka talka eginda, min hartu zuen. Azkenean, "makadura gogorra" du, baita hezur edema bat ere, ezker belaunean; ondorioz, ez dago baztertuta asteartean kantxaratzeko moduan izatea.
Baliteke Andersson ere jokatzeko moduan egotea; Kanaria Handiaren aurka ez zen aritu, bajan egon baitzen, lunbalgia batengatik, baina astelehenean azterketa egin diote, eta emaitzaren zain daude, partida jokatzeko moduan dagoen erabakitzeko.
Taldeko gainerako bi antolatzaileek, Hakansonek eta Ubalek, Kanaria Handiaren kontra jokatu zuten, baina ez daude erabat sendatuta. Hakansonek ezkerreko abduktorea du minduta, eta Ubalek, ordea, ezkerreko bikia.
Neurketa gakoa da Bilbao Basketentzat. Jaume Ponsarnauren taldea, Txapeldunen Ligako Top16ko lehen itzulia amaituta, L multzoko hirugarren postuan dago, Teneriferen eta Murtziaren atzetik eta Darussafakaren aurretik. Hiru partida jokatu eta bakarra irabazi du. Hirugarren postu horrek ez du aukerarik ematen txapelketako final-laurdenetarako sailkatzeko. Txus Vidorreta bilbotarra da Teneriferen entrenatzailea, eta Txapeldunen Ligako egungo txapelduna da, gainera.
Zure interesekoa izan daiteke
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.
Hlinasonek, Freyk eta Fontek Surne Bilbaorekin zituzten kontratuak luzatu dituzte, 2029ra arte
2025-2026 denboraldian Bilboko taldean izandako jokalariei erreparatuta, zortzi gizon izango dira, berriro, hurrengo denboraldian; hori bai, Bassala Bagayokok 2028ra arteko kontratua badu ere, baliteke ez jarraitzea klubean.