Bilbao Basketek Darussafakaren aurka garaipena bereganatuta (85-75) ekin dio Top 16ari
Surne Bilbao Basketek irabazi egin dio Darussafakari (85-75) asteazken honetan (urtarrilaren 25ean) Bilbao Arenan jokatu den Txapeldunen Ligako Top 16ko ligaxkako lehen jardunaldiko partida.
Horrenbestez, bikain ekin dio Bizkaiko taldeak final-zortzirenetako ligaxkari. Multzoko beste neurketan Lenovo Tenerifek mendean hartu du UCAM Murtzia, 85 eta 65.
Lehen hiru puntuak Bilboko taldeak bereganatu ditu Rabasedaren hiruko bati esker (3-0). Ondoren, bost puntuko abantaila izan du Bilbao Basketek, baina Darussafakak azkar erantzun du puntu bakarrera gerturatuta (9-8). Parekotasuna nagusi izan den minutu batzuen ostean, etxeko taldeak zuloa ireki du markagailuan (16-8), eta, azkenean, Bizkaikoen aldeko 18-14ko emaitzarekin amaitu dira lehen hamar minutuak.
Bigarren laurdenaren hasieran nagusi izan da Turkiako taldea; emaitza berdindu du (22-22), baita aurrea hartu ere (22-25). Bilbao Basketek aurkariaren bolada onari eutsi dio, eta desabantaila ezerezean utzi du (25-25), jarraian bi puntuko errenta (29-27) bereganatuta. Laurdenaren azken txanpan, jokoaren aginte-makila hartu du Darussafakak; talde bisitariak bost puntuko abantaila lortu du (29-34), baina Bilbao Basketek ez dio utzi zuloa handitzen, eta bi puntuko desabantailarekin joan da atsedenaldira (34-36).
Aldagelatik pasatzea ondo etorri zaio Bilbao Basketei; izan ere, hirugarren laurdenean jaun eta jabe izan baita Jaume Ponsarnauk zuzentzen duen taldea. Etxekoak azkar jarri dira aurretik markagailuan (39-38), eta Darussafakak lehia berdindu duen arren (41-41), gehiago izan da Bilbao Basket. Pixkanaka, errenta handitzen hasi da Bilboko taldea (55-46), eta zortzi puntuko errentarekin iritsi da azken laurdenera (60-52).
Bilbao Basketek kontrolpean izan du norgehiagoka amaierako hamar minutuetan. Ponsarnauk zuzendutako taldeak ez dio aukerarik eman aurkariari; bikain ibili da defentsako zein erasoko lanean, eta Darussafakak ez du emaitza estutzeko aukerarik izan. Gauzak horrela, garaipena eskuratu du Surne Bilbao Basketek, 85-75eko emaitzarekin.
Fitxa teknikoa:
85 - Surne Bilbao Basket (18+16+26+25): Hakanson (12), Smith (14), Rabaseda (10), Sulejmanovic (8) eta Withey (8) -hasierako taldea-; Radicevic (6), Alonso (12), Reyes, Andersson (3), Kyser (12) eta Ubal.
75 - Darussafaka (14+22+16+23): Starks (14), Ozdemiroglu (6), Yeboah (8), Aaron White (2) eta Olaseni (8) -hasierako taldea-; Kormaz (6), McCullough (10), Sayili (2), Osmani (19), Kus eta Buyukcangaz.
Epaileak: Wojciech Liszka (Polonia), Lorenzo Baldini (Italia) eta Nicolas Maestre (Frantzia). Kanporaturik gabe.
Zure interesekoa izan daiteke
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.
Hlinasonek, Freyk eta Fontek Surne Bilbaorekin zituzten kontratuak luzatu dituzte, 2029ra arte
2025-2026 denboraldian Bilboko taldean izandako jokalariei erreparatuta, zortzi gizon izango dira, berriro, hurrengo denboraldian; hori bai, Bassala Bagayokok 2028ra arteko kontratua badu ere, baliteke ez jarraitzea klubean.