Baskoniak partida bikaina eginda esan dio agur Euroligari, Real Madrilen aurka (98-102)
Baskonia 2023-24 denboraldiko Euroligatik kanpo gelditu da, asteazkenean, txapelketako play-offeko hirugarren partidan Real Madrilen aurka galduta; porrot horrek, Baskoniak kanporaketako aurreneko bi partidetan izandakoak ere batuta, Real Madrili eman dio Berlinen jokatuko duten Lauko Finalerako sailkatzea, eta Euroligatik at utzi du Gasteizko taldea. Buesa Arenan jokatutako hirugarren partida horretan, Baskoniak 98-102 galdu du; hori bai, Dusko Ivanovicen gizonek oso ondo jokatu dute, eta bikain ibili dira ikusgarria izan den neurketan.
13.000 zalek baino gehiagok bete dute Buesa Arena, partida erabakigarria baitzen, eta giro ezin hobea sortu dute bi taldeek, kantxan, saskibaloiko gau ederra eskaini ahal izan zezaten. Baskoniak kontrolpean izan du markagailua aurreneko hiru laurdenetan, hamar puntuko aldeekin ere (37-27 eta 52-42, bigarren laurdenean, eta 70-60, hirugarrenean); hala ere, Gasteizko taldeak ezin izan du Real Madril atzerago ere utzi, eta azken laurdenean zuriek baliabide guztiak erabili dituzte, ehuneko ehunean. Chus Mateoren jokalariek azken laurdenean erakutsi dute zergatik diren Euroligako egungo txapeldunak, eta meritu handiko garaipena eskuratu dute. Lauko Finalean, horrenbestez, ahaleginduko dira 2023an irabazitako titulua berresten.
Lehenengo bi laurdenetan, Baskoniak eta Real Madril biziki asmatu dute erasoan, eta Dusko Ivanovicen taldea irten da garaile: izan ere, atsedenaldian, emaitza 56-52koa zen. Hirugarren laurdenean, hori gutxi balitz bezala, hainbat jokalditan, Baskoniak lortu du defentsan gehiago estutzea. Real Madrilek emandako erantzuna azpimarragarria izan da; azken hamar minutuak hasi direnean, Arabako taldea 73-72 ari zen gailentzen, baina Real Madrilek bere onena eman du orduan, azken zatian.
Partida ederra egin dute, besteak beste, Markus Howardek (29 puntu), Nikos Rogavopoulosek (18), Vanja Marinkovicek (17), eta Codi Miller-McIntyrek. Azken horrek 17 puntu sartu ditu, hamaika asistentzia eman eta zazpi errebote harrapatu.
Fitxa teknikoa
98 - Baskonia (22+34+17+25): Miller-McIntyre (17), Marinkovic (17), Rogkavopoulos (18), Sedekerskis (2) eta Costello (11) -hasierako bostekoa-, Chiozza (2), Raieste (-), Howard (29), Kotsar (2) eta Diez (-).
102 - Real Madril (22+30+20+30): Campazzo (13), Hezonja (16), Musa (3), Yabusele (23) eta Tavares (12) - hasierako bostekoa -, Deck (13), Llull (8), Poirier (8), Rodriguez (6) eta Fernandez (-).
Epaileak: Robert Lottermoser (Alemania), Uros Nikolic (Serbia) eta Piotr Pastusiak (Polonia). Ez da kanporaturik izan.
Gertakariak: 13.186 zale, Gasteizko Fernando Buesa Arenan.
Zure interesekoa izan daiteke
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.
Asisa Joventut vs Kosner Baskonia final-laurdenetako play-offeko bigarren partidaren laburpena (82-63)
Paolo Galbiatiren taldeak ezin izan du kanporaketa bigarren partidan itxi, eta igandean Buesa Arenan final bat jokatuko du. Gaizki hasi du jokoa Gasteizko taldeak, eta gero ezin izan diote buelta eman partidari. Ikusi hemen partidako laburpena.
Kosner Baskoniak galdu egin du Badalonan (82-63), eta hirugarren partida jokatu beharko du
Paolo Galbiatiren taldeak partida hasiera kaskarra izan du, eta ondo ordaindu du partida osoan. Horrela, kanporaketa Buesa Arenan erabakiko da, igandean.
Kosner Baskonia vs Asisa Joventut final laurdenetako play-offeko lehen partidaren laburpena (85-71)
Paolo Galbiatiren taldeak, Errege Koparen txapeldunak, aurrerapausoa eman du finalerdietara heltzeko, eta ostiralean Badalonako Olinpic pabiloian txartela lortzeko aukera du. Jokalariek behar bezala jardun dute; Timothe Luwawu-Cabarrotek egindakoa nabarmentzekoa da, besteak beste.
Joventutek gogor jardun du baina Kosner Baskoniak eutsi egin dio, eta aurreneko kolpea eman du (85-71)
Galbiatiren gizonek 21-5eko partziala lortu dute oso fisikoa izan den neurketaren azken txanpan. Eugene Omoruyiren eta Matteo Spagnoloren ekarpena berebizikoa izan da Joventuten defentsari aurre egiteko.
Paolo Galbiati: “Hurrengo denboraldian klubean jarraituko dut"
Kosner Baskoniako entrenatzaile italiarrak Gasteizko klubean jarraituko duela baieztatu du Unicaja Malagaren aurkako partidaren ostean. Galbiatik egunotan bere etorkizunaz sortu den "zarata guztia bertan behera utzi nahi" izan du, eta klubeko presidentearekin hitz egin ondoren, Gasteizko taldea entrenatzen jarraituko duela baieztatu du. "Oso pozik nago zaleekin sortu dudan konexioagatik", gaineratu du.
Galbiatik Baskonian jarraituko duela baieztatu du
Italiako entrenatzaileak zurrumurru guztiak isilarazi ditu baskoniarren aulkian jarraituko duela iragarrita.
Kosner Baskoniak bigarren postuari eutsi dio Unicajari irabazita (92-89)
Kosner Baskoniak Endesa Ligako bigarren postuari eutsi dio Unicaja Malaga 92-89 mendean hartuta liga erregularreko azken partidan.