Baskoniak galdu egin du Zalgirisen aurka
Bitci Baskoniak galdu egin du Zalgirisen aurka (72-68) ostegun honetan Kaunasen (Lituania) jokatu duen Euroligako 13. jardunaldiko partida. Arabako taldeak hiru neurketa jarraian galdu ditu txapelketa honetan.
Norgehiagokaren hasieran Zalgiris nagusitu da, eta etxeko taldeak lehen abantailak erdietsi ditu (8-4 eta 12-7). Baskoniak azkar erantzun du desabantaila murriztuta (16-15), eta lehen laurdena Lituaniako taldearen aldeko 21-19ko emaitzarekin amaitu da.
Ondo ekin dio Baskoniak bigarren laurdenari, neurketa berdinduta eta lehenengoz markagailuan aurretik jarrita (24-25). Ondoren, ordea, Zalgiris izan da nagusi, eta min egin dio Arabako taldeari hiruko jaurtiketen bidez. Baskoniak huts asko egin ditu erasoan, eta etxeko taldea zortzi puntuko errentarekin (40-32) iritsi da atsedenaldira.
Hasiera kaskarra eman dio Bitci Baskoniak hirugarren laurdenari, eta Zalgirisek hamaika puntuko abantaila lortu du (45-34). Hala ere, Gasteizko taldea hobeto jokatzen hasi da 25. minututik aurrera. Sedekerskisek hartu du saskiratzeak sartzeko erantzukizuna, puntuak pilatu ditu, eta Baskoniak bi puntura murriztu du desabantaila (45-43). Laurdenaren azken txanpan, aldiz, etxeko taldeak zortzi puntuko errenta lortu du (51-43), azken laurdenera aldeko 51-46ko emaitzarekin helduta.
Kosta egin zaio Baskoniari desabantaila murriztea, baina amaierarako hiru minutu falta zirenean partida berdindu du, Grangerrek bi hiruko jarraian sartuta (63-63). Ordutik aurrera, ordea, berriro huts asko egin ditu Gasteizko taldeak, Zalgirisek zuloa zabaldu du markagailuan (71-65), eta garaipenak ez die ihes egin lituaniarrei (72-68).
Fitxa teknikoa:
72 - Zalgiris Kaunas (19+13+14+22): Kalnietis (10), Strelnieks (5), Milaknis (6), Cavanough (9) eta Nebo (10) -hasierako taldea-, Lekavicius (13), Dragic (-), Blazevic (8), Webster (4), Miniotas (2) eta Ulanovas (5).
68 - Bitci Baskonia (21+19+11+21): Granger (11), Baldwin (7), Giedraitis (6), Sedekerskis (7) eta Enoch (13) -hasierako taldea-, Lamar Peters (10), Fontecchio (12), Marinkovic (-), Nnoko (2) eta Kurucs (-).
Epaileak: Borys Ryzhyk (Ukraina), Elias Koromilas (Grezia) eta Igor Dragojevic (Montenegro). Kanporaturik gabe.
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.