Baskoniak mendean hartu du Izar Gorria, Spahijaren debutean
Bitci Baskoniak garaipena lortu du Izar Gorriaren aurka (93-74) astearte honetan Buesa Arenan jokatu duen Euroligako hamargarren jardunaldiko partidan. Neven Spahija entrenatzaile berriaren estreinaldia izan da, eta Arabako taldearen bolada txarrari amaiera eman dio, txapelketa honetan lau porrot jarraian baitzeramatzan.
Ondo ekin dio Baskoniak norgehiagokari, lehen saskiratzea sartuta (3-0) eta lehen laurdenaren erdialdera lau puntuko abantailarekin iritsita (12-8). Ondoren, bederatzi puntuko errenta ere erdietsi du Arabako taldeak (21-12), baina laurdenaren azken bi minutuetan desabantaila murriztea lortu du Izar Gorriak (25-22).
Bigarren laurdena ezin hobeto hasi da Neven Spahijak zuzentzen duen taldearentzat; Baskoniak ondo jokatu du, aurkaria baino gehiago izan da, eta zuloa ireki du markagailuan, atsedenaldira iristeko hiru minutu falta zirenean 21 puntuko abantaila eskuratuta (47-26). Euskal taldearen joko onaren eraginez, norgehiagoka 55-32ko emaitzarekin iritsi da atsedenaldira.
Aldageletatik pasa ostean, Izar Gorriak defentsa sendotu du, eta Bitci Baskoniak gehiago kosta zaio saskiratzea. Nagusi izaten jarraitu du Baskonik, baina talde bisitariak murriztu egin du bigarren laurdenetik zekarren desabantaila (68-53).
Garaipena bideratuta duela ekin dio Baskoniak azken laurdenari. Izar Gorriak ez du Arabako taldea asko estutu laugarren laurdenean, eta garaipenak ez dio ihes egin Gasteizko taldeari (93-74).
Fitxa teknikoa:
93 - Bitci Baskonia (25+30+13+25): Baldwin (14), Granger (4), Giedraitis (21), Sedekerskis (9) eta Enoch (23) -hasierako taldea-, Lamar Peters (-), Fontecchio (9), Nnoko (8) eta Marinkovic (5).
74 - Izar Gorria (22+10+21+21): Markovic (2), Dobric (11), Kalinic (-), Davidovac (2) eta Kuzmic (10) -hasierako taldea-, Lazarevic (-), Uskorovic (3), Lazic (2), Hollins (11), Simonovic (-), Ivanovic (21) eta Zirbes (12).
Epaileak: Mateu Boltauzer (Eslovenia), Emin Mogulkoc (Turkia) eta Amit Balak (Israel). Kanporaturik gabe.
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.