Baskoniak jipoia jaso du Real Madrilen aurka
Bitci Baskoniak galdu egin du Real Madrilen aurka (60-88) ostegun honetan Buesa Arenan jokatu duen Euroligako 12. jardunaldiko partida. Arabako taldeak lau garaipen eta zortzi porrot bildu ditu txapelketa honetan, 12 jardunalditan.
Erritmo biziarekin eta bi taldeek erasoan egindako huts askorekin hasi da norgehiagoka. Baskoniak abantaila txikiak lortu ditu lehen minutuetan (3-0, 5-2 eta 9-5), baina Real Madrilek ez dio alde egiten utzi, neurketa berdindu du, eta aurretik jarri da norgehiagokako seigarren minutuan (9-11). Ondoren, Real Madrilek zuloa ireki du markagailuan (11-23), eta talde bisitariak 11 puntuko abantailarekin amaitu du lehen laurdena (14-25).
Bigarren laurdeneko lehen hiru minutuetan, Real Madrilek errenta handitu du (20-37), hiruko saskiratze asko sartuta. Baskoniari asko kosta zaio erasoan saskiratzeak lortzea, eta defentsan ezin izan du aurkaria gelditu. Real Madril nagusi izan da erreboteetan, hiruko jaurtiketak sartzen jarraitu du, eta Madrilgo taldearen aldeko 34-53ko emaitzarekin iritsi da partida atsedenaldira.
Neurketa maldan gora zuela ekin dio Baskoniak hirugarren laurdenari. Neven Spahijak zuzentzen duen taldearen helburua desabantaila murriztea zen, baina Real Madrilek nagusi izaten jarraitu du, eta ez dio emaitza estutzeko aukerarik eman. Arabako taldea ezinean ibili da, eta talde bisitariak 24 puntuko errenta erdietsi du hirugarren laurdenaren amaieran (47-71).
Azken laurdenean, emaitza txukuntzen saiatu da Baskonia; Real Madrilek, ordea, berera jarraitu du, nagusi izan da, eta ez dio erraztasunik eman Arabako taldeari. Amaieran, Baskonia galtzaile (60-88).
Fitxa teknikoa:
Bitci Baskonia: Granger (-), Baldwin IV (8), Sedekerskis (3), Giedraitis (5) eta Enoch (14); Peters (6), Marinkovic (6), Fontecchio (14), Nnoko (4) eta Kurucs (-).
Real Madril: Abalde (5), Causeur (13), Hanga (7), Yabusele (7) eta Tavares (12); Williams-Goss (7), Heurtel (12), Llull (8), Rudy Fernandez (9), Poirier (8), Nuñez (-) eta Vukcevic (-).
Partzialak: 14-25, 20-28, 13-18, 13-17.
Epaileak: Latisevs, Hordov eta Peerandi. Peters (Baskonia) kanporatu dute, bost falta egin dituelako.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.