Baskoniak jipoia jaso du Bartzelonaren aurka
Bitci Baskoniak galdu egin du Bartzelonaren aurka (93-67) jokatu duen Euroligako bederatzigarren jardunaldiko partida. Barçak ez dio aukerarik eman Gasteizko taldeari. Lau neurketa jarraian galdu ditu Dusko Ivanovicek zuzentzen duen taldeak txapelketa honetan.
Hasiera bikaina eman dio Baskoniak norgehiagokari, lau puntuko abantaila hartuta (0-4 eta 2-6), baina Bartzelonak azkar erantzun eta lehia berdintzea lortu du (8-8 eta 10-10). Ondoren, jaun eta jabe izan da Barça, eta 18 puntuko errenta erdietsi du (28-10) lehen laurdena bukatzeko bi minutu falta zirenean. Arabako taldeak aurkariaren bolada ona moztea lortu duen arren, talde kataluniarrak aldeko 32-15eko emaitzarekin amaitu ditu estreinako hamar minutuak.
Ezinean jarraitu du Gasteizko taldeak bigarren laurdenean. Bartzelonaren nagusitasuna erabatekoa izan da. Bitci Baskonia ez da gai izan aurkariaren erasoko jokaldiak gelditzeko, eta erasoan ere asko kosta zaio saskiratzeak lortzea. Ondorioz, Barça 24 puntuko abantailarekin iritsi da atsedenaldira (55-31).
Hirugarren laurdenean Bartzelonak erakustaldia ematen jarraitu du. Kataluniako taldeak bikain jokatu du, Baskoniak erraztasunak eman dizkio, eta Arabako taldea 40 puntuko desabantailarekin heldu da azken laurdenera (81-41).
Baskoniak amaierako hamar minutuetan izan duen helburua emaitza txukuntzea izan da. Bartzelonak erritmoa jaitsi azken laurdenean, eta Arabako taldeak desabantaila murriztu du. Hala ere, amaieran Baskonia galtzaile, 93-67ko emaitzarekin.
Fitxa teknikoa:
Bartzelona: Calathes (9), Laprovittola (11), Hayes-Davis (2), Mirotic (25) eta Sanli (8) --hasierako taldea--; Davies (11), Kuric (8), Martinez (3), Smits (4), Oriola (2), Jokubaitis (8) eta Caicedo (2).
Bitci Baskonia: Granger (4), Fontecchio (4), Sedekerskis (2), Giedraitis (14) eta Enoch (22) --hasierako taldea--; Marinkovic (4), Baldwin IV (3), Peters (4), Nnoko (-), Costello (8) eta Kurucs (2).
Partzialak: 32-15, 23-16, 26-10, 12-26.
Epaileak: Javor, Difallah eta Nikolic. Ez dute inor kanporatu.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.