Baskoniak garaipena lortu du Zalgirisen aurka eta bolada txarrari amaiera eman dio
TD Systems Baskoniak agur esan dio Euroligako bolada txarrari, ostiral honetan Zalgiris Kaunsen aurka garaipena lortuta (81-68) Buesa Arenan jokatu den Euroligako 23. jardunaldian.
Neurketaren hasiera ez da ona izan Baskoniarentzat, Zalgirisek bost puntuko abantaila eskuratu baitu (4-9). Hala ere, Dusko Ivanovicek zuzentzen duen taldeak azkar erantzun du, eta ez dio ihes egiten utzi aurkariari (9-11). Lehen laurdenaren azken txanpan, Gasteizko taldea izan da nagusi, hiru puntuko errenta lortu du (21-18), baina lehen hamar minutuen amaieran, emaitza euskal taldearen aldeko 21-20koa izan da.
Bigarren laurdenari hasiera bikaina eman dio Baskoniak eta zuloa ireki du markagailuan, lehen bost minutuetan 12 puntuko abantaila lortuz (36-24). Zalgiris Kaunas ezinean ibili da, Arabako taldearen erasoak gelditu ezinda, eta saskiratzerako orduan kosta egin zaio Baskoniaren defentsa gainditzea. Ivanocek zuzentzen duen taldeak 13 puntuko errenta ere izan du (39-26), eta bederatziko abantailarekin joan da atsedenaldira (45-36).
Atsedenaldiaren ostean, Baskoniak nagusi izaten jarraitu du. Arabako taldeak hamar puntutik gorako abantaila mantendu du ia hirugarren laurden osoan zehar. Jaun eta jabe izan da TD Systems Baskonia, erasoan saskiratzeak sartuz eta defentsan lan gogorra eginez. Gauzak horrela, talde gasteiztarra 13 puntuko errentarekin heldu da azken laurdenera (61-48).
Baskoniak ondo kudeatu du hirugarren laurdenaren amaieran eskuratu duen abantaila, eta ez dio aukerarik eman Zalgirisi emaitza estutzeko. Lehen laurdenean izan ezik, beste laurden guztietan nagusi izan da TD Systems Baskonia eta garaipenak ez dio ihes egin (81-68).
Fitxa teknikoa:
81 - TD Systems Baskonia (21+24+16+20): Henry (19), Giedraitis (7), Sedekerskis (2), Polonara (5) eta Fall (-) -hasierako taldea-, Vildoza (14), Jekiri (10), Peters (15), Diop (5) eta Dragic (4).
68 - Zalgiris Kaunas (20+16+12+20): Walkup (14), Grigonis (17), Milaknis (-), Hayes (7) eta Lauvergne (12) -hasierako taldea-, Jokubaitis (2), Rubit (2), Jankunas (2), Lekavicius (2) eta Geben (4).
Epaileak: Luigi Lamonica (Italia), Emin Mogulkoc (Turkia) eta Rain Peerandi (Estonia). Kanporaturik gabe.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.