Baskoniak laugarren porrota jarraian jaso du, Asvelen aurka galdu ostean
TD Systems Baskoniak porrota jaso du Asvel Villeurbanneren aurka (83-77) jokatu duen Euroligako 22. jardunaldiko partidan, eta lau neurketa jarraian daramatza galduta txapelketa honetan.
Hasiera parekatu baten ostean, Baskonia nagusitzen hasi da lehen laurdenaren erdialdetik aurrera, eta hamar puntuko abantaila lortu du (10-20) zazpigarren minutuan. Lehen hamar minutuen amaieran bederatzi puntuko errenta izan du Arabako taldeak (17-26).
Bigarren laurdenari hasiera ona eman dio Dusko Ivanovicek zuzentzen duen taldeak, eta hiru minututan 14 puntuko errenta erdietsi du (20-34). Nagusi izan da TD Systems Baskonia laurden honetan, eta Asveli asko kosta zaio talde gasteiztarreko jokalarien erasoaldiak gelditzea. Partida, Baskoniaren aldeko 35-46ko emaitzarekin iritsi da atsedenaldira.
Ondo kantxaratu da Arabako taldea atsedenaldiaren ostean, eta hirugarren laurdenaren hastapenean lehen zatian lortu duen abantaila mantentzea lortuz. Hala ere, pixkanaka, etxeko taldea, eta neurketa berdindu du (51-51) hirugarren laurdena amaitzeko hiru minutu baino gutxiago falta zirenean. Baskoniaren joko-mailak behera egin du, eta horretaz baliatu da Asvel Basket taldea azken laurdenera bost puntuko errentarekin iristeko (58-53).
Azken hamar minutuetan nagusi izan da etxeko taldea, eta TD Systems Baskonia ezinean ibili da. Amaierarako bost minutu falta zirenean, hamar puntuko abantaila izan du Avel Basketek (72-62). Baskoniak desabantaila murriztu du partida amaitzeko lau puntu falta zirenean (81-77), baina Asvelek ondo kudeatu ditu azken baloi-jabetzak, eta garaipenak ihes egin dio Baskoniari (83-77).
Fitxa teknikoa:
83 - LDLC ASVEL Villeurbanne (17+18+23+25): Diot (3), Cole (20), Kahudi (3), Lighty (21) eta Moustapha Fall (2) -hasierako taldea-, Lacombe (2), Noua (6), Hayes (6), Bako (3), Howard (10) eta Strazel (7).
77 - TD Systems Baskonia (26+20+7+24): Vildoza (8), Raieste (-), Peters (15), Polonara (11) eta Youssoupha Fall (11) -hasierako taldea-, Jekiri (5), Henry (8), Dragic (6) eta Giedraitis (13).
Epaileak: Sasa Pukl (Eslovenia), Piotr Pastusiak (Polonia) eta Saulius Racys (Suedia). Kanporaturik gabe.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.