Bigarren porrota jarraian Baskoniarentzat
TD Systems Baskoniak porrota jaso du Maccabi Tel Aviven aurka (91-82) Israelen jokatu duen Euroligako 20. jardunaldiko partidan. Aste honetan jokatu dituen bi partidak galdu egin ditu talde gasteiztarrak.
Hasiera ona eman dio lehiari Baskoniak (0-6), baina neurketako laugarren minututik aurrera (6-11) Maccabi nagusi izan da kantxan, aldeak murriztea lortu du, baita markagailuan aurretik jartzea ere (17-13). Lehen laurdeneko azken bost minutuak txarrak izan dira Arabako taldearentzat, baina lehen hamar minutuak amaitzeko 43 segundo falta zirenean puntu bakarrera hurbildu da (22-21), nahiz eta Israelgo taldeak bost puntuko errenta eskuratu duen laurden honetako azken segundoetan (26-21).
Bigarren laurdenean, Baskoniari kosta egin zaio desabantaila murriztea. Arabako taldeak zailtasunak izan ditu Maccabiren erasoko jokoa gelditzeko. Hala ere, etxeko taldeak ez du errenta handiegirik eskuratu, eta atsedenaldira heltzeko 1’10” falta zirenean, 42-41ekoa izan da emaitza, baina Maccabi Tel Aviv lau puntuko abantailarekin joan da aldageletara (47-43).
Atsedenaldiaren ostean, bi taldeei kosta egin zaie saskiratzeak sartzea eta baloi ugari galdu dituzte. Pixkanaka, hobetzen joan dira, eta lehia parekatua izan da. Aurreko bi laurdenetan gertatu bezala, hirugarrenaren amaieran ere Maccabi izan da nagusi, eta talde israeldarra aldeko 68-60ko emaitzarekin iritsi da azken laurdenera.
Amaierako hamar minutuetan, TD Systems Baskonia ez da gai izan emaitza estutzeko, eta Maccbi Tel Aviv taldeak eroso jokatu du. Israeldarrak nagusi izan dira laugarren laurdenean, baita partida osoan zehar, eta garaipenak ez die ihes egin (91-82).
Fitxa teknikoa:
91 - Maccabi Tel Aviv (26+21+21+23): Wilbekin (9), Bryant (14), Zoosman (11), Bender (8) eta Zizic (6) -hasierako taldea-, Jones (6), Hunter (14), Casspi (2), Dorsey (1), DiBartolomeo (6), Blazer (2) eta Caloiaro (12).
82 - TD Systems Baskonia (21+22+17+22): Vildoza (8), Giedraitis (12), Sedekerskis (2), Polonara (5) eta Fall (8) -hasierako taldea-, Henry (19), Jekiri (2), Peters (18) eta Dragic (8).
Epaileak: Carmelo Paternico (Italia), Uros Nikolic (Serbia) eta Mykola Ambrosov (Ukraina). Kanporaturik gabe.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.