Baskoniak bolada onean jarraitzen du Endesa Ligan, Kanaria Handiari irabazita
Kirolbet Baskoniak bolada onean jarraitzen du Endesa Ligan, Herbalife Kanaria Handiaren aurka garaipena lortu ostean. Bartzelona liderrak galdu egin zuen larunbatean, eta talde gasteiztarra sailkapeneko bigarren postuan da, bi garaipenera.
Norgehiagokako lehen hamar minutuak oso parekatuak izan dira. Baskoniak ia laurden guztia eman du aurretik, baina alde txikiekin, soilik bi edo hiru puntukoak. Lehen laurdenaren azken txanpan, ordea, bost puntuko errenta lortu du (14-19). Hala ere, Kanaria Handiak hobeto jokatu du azken minutu eta erdia, eta neurketa berdintzea lortu du (19-19).
Bigarren laurdenaren hasieran nagusi izan da Kirolbet Baskonia. Kanaria Handia Arabako taldearen eraso jokoa eta defentsa gainditu ezinik ibili da. Ondorioz, abantaila hartzen hasi da Baskonia, eta laurdenaren erdialdean 12 puntuko errenta eskuratu du (26-38). Atsedenaldira iritsi orduko Herbalife Kanaria Handiak desabantaila apur bat murriztea lortu duen arren, Perasovicek zuzentzen duen taldea zortzi puntuko abantailarekin joan da aldageletara (40-48).
Atsedenaldiaren ostean ez da neurketaren gidoia aldatu. Kirolbet Baskonia nagusi izan da, eta aurreko laurdenetan lortu duen abantaila bikain kudeatu du. Gainera, handitu egin du atsedenaldia baino lehen eskuratutako errenta, eta 14 puntuko abantailarekin ekin dio azken laurdenari (65-79).
Azken hamar minutuetan aise nagusitu da Gasteizko taldea. Herbalife Kanaria Handia ez da gai izan aurkaria estutasunetan jartzeko, eta Kirolbet Baskoniak garaipen erosoa eskuratu du (83-101).
Fitxa teknikoa:
83 - Herbalife Gran Canaria (19+21+25+18): Hannah (3), Strawberry (8), Rabaseda (16), Baez (16) eta Pasecniks (8) -hasierako taldea-, Oliver (8), Eriksson (10), Balvin (7), Pauli (1) eta Tillie (6).
101 - Baskonia (19+29+31+22): Vildoza (22), Janning (7), Shields (19), Voigtmann (23) eta Poirier (2) -hasierako taldea-, Gonzalez (0), Diop (2), Jones (14), Hilliard (8), Kurucs (0) eta Huertas (4).
Epaileak: Jose Antonio Martin Bertrand, Jordi Aliaga eta Esperanza Mendoza. Poirier kanporatu dute, 33. minutuan.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.