Kirolbet Baskonia nagusitasun osoz gailendu zaio Makabiri (97-73)
Kirolbet Baskoniak aise irabazi dio ostegun honetan Buesa Arenan Tel Aviveko Makabiri (97-73), Euroligako 21. jardunaldiari zegokion partidan. Garaipen horrekin play-offetan izateko hautagai garbia dela berretsi dute arabarrek. Une honetan, zortzigarren postuan daude behin-behineko sailkapenean, 10 norgehiagoka irabazi eta 11 galduta.
Gainera, Gasteizko taldea aurkari zuzenari gailendu zaio, eta, bide batez, abantaila bikoitza atera dio: batetik, aipatutako gaurko garaipena; bestetik, bien arteko averagea. Izan ere, sailkapenean berdinduta amaituz gero, Baskonia geratuko litzateke aurretik.
Johannes Voigtmann alemaniarra izan da neurketako jokalaririk nabarmenena (20 puntu eta 21eko balorazioa), baina Darrun Hilliard (19 puntu eta 23ko balorazioa) eta Shavon Shields (13 puntu eta 20ko balorazioa) estatubatuarrak ere maila onean aritu dira etxeko taldean.
Israeldarrek ez dute ahalmen asko erakutsi Scottie Wilbekin joko-antolatzailearen ekarpenaz aparte (19 puntu eta 18ko balorazioa).
Baskoniak laurden guztiak irabazi ditu, laugarrena izan ezik, azken horretan Perasovicen mutilak lasaitu egin baitira (26-18, 28-23, 27-16 eta 16-16).
Fitxa teknikoa:
Kirolbet Baskonia 97 (26+28+27+16): Vildoza (16), Janning (5), Shields (13), Voigtmann (20) eta Poirier (7) –hasierako bostekoa–, González (-), Huertas (4), Diop (8), Jones (5) eta Hilliard (19).
Makabi Fox Tel Aviv 73 (18+23+16+16): Wilbekin (19), Pargo (8), Caloiaro (5), O'Bryant (15) eta Black (10) –hasierako bostekoa–, Ray (2), Roll (2), Avdija (6), Tyus (2), Di Bartolomeo (-), Cohen (4) eta Zoosman (-).
Epaileak: Luigi Lamonica (Italia), Ilija Belosevic (Serbia) eta Milos Koljensic (Montenegro). Ray kanporatu dute 38. minutuan, 5. falta egiteagatik.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.