Kirolbet Baskoniak galdu egin du azkena den Darussafakaren etxean (80-75)
Kirolbet Baskonia gris batek galdu egin du Darussafaka (80-75) talde turkiarrarekin, Euroligako 20. jardunaldian. Gasteiztarrek baloi ugari galdu dituzte (16) eta ohi baino erraztasun gehiago eman dituzte defentsa lanetan. Bi arlo horietan izandako ahuldadeek eragotzi egin diete gasteiztarrei garaipen garrantzitsu bat lortzea.
Istanbulen galdu eta gero, Gasteizko taldeak postu bat egin du behera sailkapenean, eta, ondorioz, play-offetako postuetatik kanpo geratu da behin-behinean. Dena den, zortzigarrena den Armani Milan taldeak dituen garaipen (9) eta porrot (11) kopuru bera ditu, baita hamaikagarrena den Makabik ere.
Michael Eric (18 puntu eta 20ko balorazioa) eta Toney Douglas (21 puntu eta 30eko balorazioa) estatubatuarrak izan dira turkiarren aldetik jokalaririk nabarmenenak.
Johannes Voigtmann alemaniarrak (14 puntu eta 22ko balorazioa) eta Matt Janning estatubatuarrak (18 puntu eta 19ko balorazioa) jokatutako norgehiagoka ona ez da nahikoa izan Darussafakari gailentzeko.
Baskoniaren aldetik, partidako berritasun nagusiena Jalen Jones hegal-pibot fitxatu berriak lehen minutuak jokatzeko parada izan dituela da. Denetara zortzi minutu pilatu ditu, eta tarte horretan bi puntu sartu eta hiru errebote eskuratu ditu.
Fitxa teknikoa:
Darussafaka 80 (21+24+18+17): Douglas (21), Baygul (7), Kidd (7), Diebler (5) eta Eric (18) -hasierako bostekoa-, Ozmizrak (4), Akay (-), Demir (3), Ozdemiroglu (-), Savas (7) eta Peiners (8).
Kirolbet Baskonia 75 (29+18+14+14): Huertas (8), Janning (18), Shields (9), Voigtmann (14) eta Poirier (6) -hasierako bostekoa- Vildoza (5), Diop (4), Jalen Jones (2) eta Hilliard (9).
Epaileak: Damir Javor (Eslovenia), Spiros Gkontas (Grezia) eta Saulius Racys (Lituania). Ez da kanporaturik egon. Kirolez kontrako falta adierazi diote Señalaron Kidd etxeko jokalariari (39. min).
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.