Baskoniak 'Top 8'an egotea ziurtatu du, Maccabiri irabazi ostean (83-72)
Baskoniak Euroligako zortzi onenen artean egotea ziurtatu du Maccabi Fox Tel Aviv taldeari 83 eta 72 irabazita. Gasteiztarrek, gainera, fase erregularra zortzigarren postutik gora amaitzeko aukera dute.
Partida zalantzaz beterik hasi dute arabarrek eta Maccabik bere erritmoa jartzea lortu du, baina Pedro Martinezen taldeak buelta eman dio egoerari eta garaipena lortu du aurkariak lanak eman dizkion arren.
Bigarren zatian, Patricio Garino eta Luca Vildoza erabakigarriak izan dira Baskoniak partida erabakita uzteko.
Lehen minutuetan oreka izan da nagusi talde israeldarra erasoko errebotean nagusi izan den arte. Nagusitasun horri esker 9 eta 14 aurreratu da Maccabi markagailuan.
Baina Baskoniak ez du amore eman eta emaitza irauli du, lehen laurdenaren amaieran 22 eta 18 aurreratuta.
Bigarren laurdenean Maccabik erreakzionatu egin du baina gasteiztarrek aldeari eutsi diote atsedenaldira 38 eta 34 iristeko.
Hirugarren laurdenean, israeldarrek 2 eta 12ko partziala egin eta partida 53na jarri dute. Momentu horretan, Patricio Garino agertu da eta berak egindako saskiratze eta jaurtiketa gehigarri bati esker hirugarren laurdena ere aurretik amaitu dute arabarrek: 56-53.
Azken minutuetan, Maccabi saiatu da baina Pedro Martinezen jokalariek ondo eutsi diote emaitzari garaipena eta Top 8rako sailkapena lortuz: 83-72.
Fitxa teknikoa
83 - Baskonia (22+16+18+27): Granger (9), Janning (9), Timma (-), Voigtmann (14) y Diop (6) -hasierako boskotea-, Vildoza (6), Beaubois (10), Poirier (9), Shengelia (9) eta Garino (11).
72 - Maccabi Fox Tel Aviv (18+16+19+19): Cole (10), Roll (5), Kane (5), DeShaun Thomas (12) y Parakhouski (12) -hasierako boskotea-, Jackson (14), Bolden (3), Tyus (11), Dibartolomeo (-) eta Zoosman (-).
Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.