Baskoniak abantaila hartu du zortzigarren izateko bidean, Brose Bambergi irabazita
Baskoniak erraz asko azpiratu du Brose Bamberg talde alemaniarra (103-79) hasi eta buka menderatu duen partida batean, eta Euroligako lehen zortzien artean egoteko bidean berebiziko garrantzia duen urratsa eman du, Makabi Tel Avivek kale egin baitu jardunaldi honetan. Beraz, israeldarrak baino garaipen bat gehiago dute gasteiztarrek une honetan.
Etxekoek hastapenetik kontrolatu dute norgehiagoka, eta lehen laurden horrek baldintzatu egin du gainerako lehia guztia, eta hirugarrenean erabat hautsita geratu da.
Baskoniak taldekide askoren lanean oinarritu du bere garaipena, baina besteen gainetik Jayson Grangerren jarduna nabarmendu da: 17 minutuan 17 puntu sartu eta 7 asistentzia eman ditu.
Pedro Martinezen mutilek erabat kontzentratuta kantxaratu dira, Grangerrek ez baitu behar izan bost segundo baino gehiago lehen saskiratzea lortzeko. Seigarren minuturako 22-7 zen markagailuak islatzen zuen emaitza. Sailkapenean aukerarik gabe dagoen Bose Bambergek ahal izan duen moduan eutsi dio etxekoen erauntsiari, eta apur-apurka burua altxatu du atsedenaldira heltzerako (50-39). Suspertze apal horretan Musliren eta Wrighten erreboteek eta eta Zisis eta Hickmanen puntuek izan dute zerikusia.
Atsedenaldiaren ostean, Grangerrek eta Beauboisek (10 puntu hirugarren laurdenean) ez diote aukera gehiagorik eman aurkariari, eta hirukoen festa nagusi izan da tarte horretan. Horrez gain, Baskoniaren elastikoarekin kantxaratu den jokalari bakoitzak bere ekarpena egin du, eta aldea hogeita hamar puntu ingurura igo da (80-52). Joan zen astean Zalgirisen aurka gertatu legez, gasteiztarrek sobera izan dute azken laurdena.
Fitxa teknikoa:
Baskonia 103 (27+23+30+23): Granger (17), Janning (6), Timma (13), Malmanis (2) eta Poirier (10) -hasierako bostekoa-, Voigtmann (4), Vildoza (6), Beaubois (12), Diop (16), Shengelia (11), Garino (6) eta Martínez (-).
Brose Bamberg 79 (14+25+13+27): Zizis (17), Lo (2), Dorell Wright (8), Rubit (5) y Musli (8) -hasierako bostekoa-, Staiger (6), Mitrovic (4), Hickman (14), Nikolic (5), Radosevic (10) eta Mcdowell-White (-).
Epaileak: Sreten Radovic (Kroazia), Fernando Rocha (Portugal) eta Robert Vyklicky (Txekiar Errepublika). Ez da kanporaturik egon.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.