Lointek Gernikak irabazi du derbia eta finalerdietan izango da (83-70)
Lointek Gernika Erreginaren Kopako finalerdietara sailkatu da IDK Gipuzkoari 83-70 irabaz¡ ostean, eta Perfumerias Avenida taldea izango du aurkari larunbatean, 17:00etatik aurrera jokatuko den kanporaketan.
Aparteko norgehiagoka jokatu duen Courtney Williams estatubatuar heldu berriak izugarrizko ekarpena egin dio Mario Lopezen taldeari, 29 puntu sartu, 8 errebote harrapatu eta 38ko balorazioa lortuta.
Donostiarren aldetik, Toche Sarrek 28ko balorazioa eskuratu du eta Lyndra Weaverrek 22 puntu saskiratu ditu.
Neurketako hasierako minutuetan izan ezik (0-2), Lointek beti izan da aurretik markagailuan, eta lehen abantaila handia 19-10ekoarekin lortu du, Margaret Roundtreek zenbait saskiratze kateatu dituenean (estatubatuarrak 12 puntu erdietsi ditu lehen laurdenean).
Lehiako lehen kapitulua 25-21eko emaitzarekin amaitu da, bizkaitarren alde, IDK-k erreakzionatu egin baitu azken txanpan, Weaver eta Sarr barneko jokalarien eskutik.
Bigarren laurdenean, Lopezen taldeak defentsa tenkatu du, gipuzkoarrak saskipean azaltzen ari ziren nagusitasunaren aurrean, eta hamar puntuko aldea zabaldu dute markagailuan 11-3ko partziala baliatuta.
Donostiarrek lanean jarraitu dute, eta berriro gerturatu dira markagailuan, baina berdintzerik lortu gabe; izan ere, Courtney Williamsek errenkadan sartu dituen sei punturen bitartez Gernikakoak aurretik jarraitu dute.
Txirrinak lehen zatiaren amaiera adierazi behar zuenean, Lyndra Weaverrek lortu duen saskiratzeak 46-39ko emaitza jarri du markagailuan, eta dena erabakitzeke geratu da.
Hirugarren laurdena saskiratze trukatzearekin hasi den arren, donostiarrak oldarkorrago aritu dira, eta, hori baliatuta, markagailua asko estutu dute (54-52, 26. min).
Haatik, Williamsek bere taldearen aginte makila hartu du beste behin, eta 7 eta 1eko partzialarekin tartea areagotu du berriro markagailuan, laurdenaren amaieran (66-58).
Azken laurdeneko hastapeneko minutuak erabakigarriak izan dira neurketaren nondiko norakoa amaiera zehazteko, talde gipuzkoarra ez baita punturik sartzeko gai izan lehen sei minutuetan. Bizkaitarrek, berriz, 16 puntura arte areagotu dute aldea.
Nahiz eta Azu Muguruzaren taldeak ekinean segitu duen, azkenerako amore eman behar izan du, eta, horrenbestez, Gernikak bereganatu du kopako euskal derbia.
Fitxa teknikoa:
83 - Lointek Gernika (25+21+20+17): Vanderwal (6), Williams (29), Roundtree (16), Nacickaite (5) eta Berezhynska (11) –hasierako bostekoa–, Ariztimuño (-), Alberdi (1), Díez (6), Banham (7), Mazyonite (-) eta Pascua (2).
70 - IDK Gipuzkoa (21+18+19+12): Brkic (2), Iparragirre (2), Nystrom (10), Weaver (22) eta Sarr (21) –hasierako bostekoa–, Lara Gonzalez (7), Esnal (-), Olabarria (-), Aduriz (-), Erauncetamurguil (1) eta Westbeld (5).
Epaileak: Yasmina Alcaraz, Sara Pelaez eta Eva Areste. Ez dute inor kanporatu.
Zure interesekoa izan daiteke
Nate Darling: “Alderdi guztietan lagundu nahi dut, baita defentsa lerroa hobetu ere”
Surne Bilbao Basketek Nate Darlingen aurkezpen ofiziala egin du. Eskolta kanadarrak "taldea jokoan sartzea" gustuko duela adierazi du eta "bere estiloa aldatzen" joango dela aurkaria ezagutu ahala. (Bideoa gazteleraz)
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Gedna Capel: “Defentsan ekarpen handia egin dezaket”
Mirai Euskotrenek Gedna Capel aurkeztu du Donostian. Kataluniako hegal-pibota Azul Marino Mallorcatik dator, urtebeterako. Kataluniarra pozik dago klubak berarengan jarri duen konfiantzarekin eta "defentsan eta erreboteetan ekarpen handia" egin dezakeela adierazi du. (Bideoa gazteleraz)
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)