Valentziaren ezustekoa Madrilen; eta Bartzelonaren bigarren garaipena
Valentzia 89 eta 93 gailendu zaio Real Madrili Madrilen bertan jokatutako partidan. Ondorioz, bi taldeen arteko finalaurreko kanporaketa bana dago, eta valentziarrek, gainera, katxa faktorea alde dute orain.
Carles Duranen gizonek taldeko lan bikaina egin dute; indartsu, erasokor eta ausart aritu dira. Sergio Llullek egindako 28 puntuek ezer gutxirako balio izan dute.
Bi taldeek asteartean neurtuko dituzte berriro indarrak, 21:00etan, Valentzian, kanporaketako hirugarren partidan.
Fitxa teknikoa:
89 - Real Madril (22+19+30+18): Rudy (6), Reyes (17), Ayón (6) Carroll (6) eta Llull (28) –hasierako boskotea-, Rivers, Rodríguez (7), Nocioni (12), Maciulis (3), Mejri (4) eta Slaughter.
93 - Valentzia (31+22+20+20): Van Rossom (15), Sato (8), Harangody (9), Martínez (3) eta Lishchuk (10) –hasierako boskotea-, Aguilar, Nedovic (12), Dubljevic (18), Vives (14) eta Lucic (4).
Bartzelonaren bigarren garaipena
Bartzelonari garaipena bakarra falta zaio Endesa Ligako finalera sailkatzeko. Kataluniarrak bigarrenez gailendu dira Unicaja Malagaren aurka jokatzen ari diren finalaurreko kanporaketan (91-70), Palau Blaugranan jokatutako partidan. Satoransky izan da jokalaririk onena, 19 puntu eginda (28ko balorazioa).
Xavi Pasculen taldeak esku-eskura du finalerako txartela. Finalaurreko kanporaketari bi partida geratzen zaizkio, biak Malagan jokatuko dira. Haietako bat irabaziz gero, ez dute bosgarren partida erabakigarria jokatu beharko.
Bartzelonak partida kontrolpean izan du beti eta garaipenak ez dio ihes egin. Malagakoek, berriz, huts egin dute neurketako momenturik garrantzitsuenetan.
Fitxa teknikoa:
91-Bartzelona: Satoransky (19), Oleson (4), Thomas (-), Lampe (8), Tomic (8) --hasierako boskotea--; Doellman (14), Hezonja (5), Huertas (14), Navarro (-), Pleiss (8), Abrines (9), Nachbar (2).
70-Unicaja Malaga: Granger (16), Suárez (8), Thomas (12), Stefansson (-), Vázquez (3) --hasierako boskotea--; Markovic (9), Toolson (7), Vasileiadis (2), Kuzminskas (5), Golubovic (2), Green (3), Gabriel (3).
Partzialak: 23-23, 27-14, 17-18, 24-15.
Zure interesekoa izan daiteke
Galbiati eta Sedekerskis, hunkituta Gasteizen txupinazoa bota aurretik
Felix Fernandez Kosner Baskoniako kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Araskik Nikola Dudasova eskolta fitxatu du
Jokalari eslovakiarra, 31 urtekoa bera, Leganes taldetik iritsi da euskal taldera; 2025-2026 denboraldian, partidako, batez beste, 10,3 puntu sartu, 3,5 errebote hartu eta 2,4 asistentzia eman ditu.
Maddie Garrickek ez du Kutxabank Araskin jarraituko, lesio baten ondorioz
Talde gasteiztarrak "azkar eta ondo sendatzea" eta "etorkizun pertsonal eta profesionalean zorterik onena" opa dio jokalari australiarrari.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
Arrasateko Smartlog Ointxe taldea, Espainiako 3x3 modalitateko txapelduna
Joan den asteburuan jokatu zen txapelketa, Tenerifen. Hiru euskal jokalarik eta kataluniar batek osatutako laukoteak irabazi du lehiaketa honen lehen edizioa.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Aleksandra Stanacev, Kutxabank Araskiren fitxaketa berria
Jokalari serbiarra Movistar Estudiantes taldetik dator Gasteizera.