Barandika-Lopez eta Elaia-Maia, Jai Alai Ligako txapeldunak
Jendez lepo zegoen Donostiako Carmelo Balda pilotalekuan, Elaia Gogenolak eta Maia Goikoetxeak, emakumezkoen txapelketan, eta Xabi Barandikak eta Imanol Lopezek, gizonezkoetan, 2025eko Jai Alai Ligako finala irabazi dute, Oihana Sorozabal eta Arai Lejardi eta Eñaut Urreisti eta Thibault Basque mendean hartuta, hurrenez hurren. Elaiak eta Maiak hiru jokotan irabazi diete Oihanari eta Arairi, 15-9, 13-15 eta 2-5, eta Barandikak eta Lopezek gauza bera egin dute Urreistiren eta Basqueren aurrean, baina bi jokotan, 15-6 eta 15-12.
Gizonezkoetan, Xabi Barandika eta Imanol Lopez agintzen hasi dira finala (15-6). Aurrelari gernikarrak eta atzelari zumaiarrak oso bikote sendoa osatu dute lehen jokoan, eta nahiko erraz nagusitu zaizkieEñaut Urreisti eta Thibault Basqueri.
Bigarren jokoa pareatuagoa izan da, baina une erabakigarrian Barandikak eta Lopezek markagailua irauli eta txapela lortu dute (15-12). Bigarren urtez jarraian irabazi dute gernikarrak eta zumaiarrak Jai Alai Ligako finala.
Emakumeetan ez zen faborito argirik eta partida oso gorabeheratsua izan da. Tentsioa eta urduritasuna nabari izan dira huts ugariko norgehiagokan. Partida nahiko hotz hasi dute bi bikoteek, hanka-sartze dezente eginda. Jokaldirik aipagarrienak bi aurrelariek egin dituzte jokoaren lehen erdian, aurrena Elaiak hormabiko bikaina egin du, eta segidan Sorozabalek beste batekin erantzun dio.
Araik eta Sorozabalek sendo jokatzearekin nahikoa izan dute aurreneko jokoan aise nagusitzeko (15-9). Aurkarien huts nabarmenei esker azkar gailendu dira markagailuan. Elaia eta Maia partida orekatzen saiatu dira, baina lehen setean ezin izan dute lortu. Aparteko distirarik gabe, baina munduko atzelari txapeldunaren, Arairen, sendotasuna funtsezkoa izan da aurreneko jokoa poltsikoratzeko.
Nahiz eta bigarren jokoa ildo beretik hasi, bikote berriatuarraren gaizki ulertu nabarmen batekin, laster buelta eman diote eta 1-3 aurreratu dira markagailuan, norgehiagokan lehen aldiz. Hala ere, Sorozabalek eta Araik ez dute etsi, eta estu hartu dituzte berehala, eta markagailua orekatu (4-4), eta berriz aurrea hartu (6-4) dute. Jarraian tanto luzea jokatu dute bi bikote finalistek, eta Elaiak pilota txapara bidali du.
Lehenengo jokoan bezala, bigarrenean atsedenaldira aurretik joan dira atzelari markinarra eta aurrelari lapurtarra, baina alde txikiarekin (8-7). Jokoaren azken txanpan, baina, bikote berriatuarra sendoago aritu da, eta partida berdintzea lortu du (13-15). Hirugarren eta azken joko erabakigarrian, maldan gora jarri zaien partida guztiz iraultzea lortu dute bi gazte berriatuarrek (2-5).
Zure interesekoa izan daiteke
Elaia-Arai eta Erkiaga-Atain bikoteak Markinako Grand Slameko finalera sailkatu dira
Markinako Grand Slameko finalerdietan, Erkiagak eta Atainek kitarakoan hartu dituzte mendean Goitia eta Basque. 15-12, 14-15 eta 5-3 nagusitu dira. Finala, Urreisti-Gorka edo Txanika-Salegi bikotearen aurka jokatuko dute. Emakumezkoetan, berriz, Elaiak eta Araik, Erika eta Frida menderatu dituzte bi setetan. 15-11 eta 15-12 nagusitu dira. Lur-Alize edo Helena-Maia bikotea izango dute aurkari finalean.
Goitia-Basque eta Txanika-Salegi, finalerdietara
Grand Slam-Jai Alai Leagueko hirugarren jardunaldian, Txanikak eta Salegik bi set behar izan dituzte Urreisti eta Gorka mendean hartzeko (8-15 eta 14-15). Goitia eta Basque ere bi setetan nagusitu zaizkie Javierri eta Zabalari (15-9 eta 15-9). Bigarren eta azken setean, markagailuan 2-1ekoa zegoela, Goitiak min hartu du ezker orkatilan, eta ordutik Basquek hartu du bikotearen jokoaren ardura. Hala ere, mina gorabehera, Goitiak tanto ikusgarri batekin itxi du partida, bigarren seta irabazita garaipena eskuratuz.
Goixerrik eta Lekerikak jantzi dute txapela Mungian, final zirraragarrian Erkiaga eta Gorka garaituta
Goixerrik Jai Alai Leaguen irabazten duen aurreneko txapela da. Lehen jokoan markagailuan agindu dute irabazleek, baina azken txanpan asko estutu dituzte Erkiagak eta Gorkak (13-15). Bigarren jokoan, galtzaileak izan dira aurretik, baina azkenean azken tantoak erabaki du (14-15).
Maite eta Maia, Mungia Master Serieseko txapeldunak, finalean Elaia eta Oaia bi jokotan jipoituta
Maite Ortiz de Mendibil arabarra eta Maia Goikoetxea bizkaitarra aise nagusitu dira bi jokotan (5-15 eta 5-15), eta txapela bereganatu dute. Elaia Gojenola aurrelari berriatuarrak eta Oaia Otaño atzelari mutrikuarrak ez dute inolako aukerarik izan.
EITBk zesta-puntarekin duen konpromisoa indartu du
Akordio historikoa sinatu eta aurkeztu da, ostegunean, EITBk Bilbon duen egoitzan. Andoni Aldekoa EITBren zuzendari nagusia, Ipar Euskal Herriko eta Hego Euskal Herriko txapelketa nagusietako antolatzaileak eta puntistak izan dira bertan. Gainera, gizonezkoetan, Challenger izeneko zirkuitua hasiko da, larunbatean.
Berritasunekin datorren Summer League zirkuitua aurkeztu dute Donibane Lohizunen
Udako denboraldia uztailaren 2an hasiko da Donibane Lohizuneko (Lapurdi) pilotalekuan, eta irailaren 4an amaituko da, Pauen. Biarritzek ere hartuko du txapelketaren zati bat. Lau pilotari onenek beste txapelketa bat jokatuko dute AEBn, oraindik zehazteke dagoen formatoarekin.
Barandikak galdu egin du berragerpenean, Mungiako Master Series txapelketan, lesio luzea atzean utzita
Ukondoan izandako lesio larriaren ondorioz ia 5 hilabete kantxetatik kanpo eman ostean, Gernikako aurrelariak berriro jokatu du ostiral arratsaldean. Berragerpena Mungian egin du, Zabalarekin batera, Goixerri eta Lekerikaren aurka, eta bi jokotan galdu dute: 9-15 eta 14-15.
Markina-Xemeingo Grand Slama igande honetan hasi eta uztailaren 16an bukatuko da
Gainerako jardunaldiak ostiralez jokatuko dira, 19:00etatik aurrera. Gizonezkoetan, sei bikote lehiatuko dira, bi multzotan: Erkiaga-Atain, Barandika-Ibarluzea, Urreisti-Gorka, Goitia-Basque, Johan-Zabala, eta Javier-Argoitia vs Txanika-Salegi kanporaketaren irabazlea. Emakumezkoen Master Seriesen, lau bikotek bilatuko dute txapela: Erika-Frida, Elaia-Arain, Lur-Alize eta Helena-Maia.
Mungia Master Series zesta-punta txapelketa, ekainaren 11tik 25era
Mungia Master Series zesta-punta txapelketa aurkeztu dute astelehen honetan. Jai Alai Ligako lehia bat jasoko du lehen aldiz Mungiak. Ekainaren 11tik 25era jokatuko da, ostegunero.
Txanika-Argoitia eta Bixente-Oyhenard, Donostiako Grand Slameko finalean
Lehen partidan, Txanika eta Argoitia nagusitu dira Erik eta Aratzen aurka. Lehen jokoan 10-15 galdu dute, bigarrenean 15-13 irabazi eta hirugarrenean hautsi dute berdinketa, 5-3 nagusituta. Bigarren partidan, Bixentek eta Oihenardek ere hiru joko behar izan dituzte Urrutia eta Eki menderatzeko. 10-15, 15-10 eta 5-2 nagusitu zaizkie. Grand Slameko finala, beraz, bi bikote horiek jokatuko dute.