Biscayne Cup txapelketak Jai Alai Liga eramango du Daniara, otsailaren 20tik 22ra
Biscayne Cup txapelketak 2024-25 denboraldiko Jai Alai Liga eramango du Floridako (AEB) Dania hirian dagoen pilotaleku historikora, alegia, Estatu Batuetara, otsailaren 20tik hilaren 22ra bitartean (hau da, ostegunez hasiko da, ostiralez jarraituko du, eta larunbatez amaituko da). Zortzi puntista arituko dira master maila izango duen txapelketako lehen ekitaldian; horrenbestez, maila goreneko zesta punta Daniako pilotaleku historikora bueltatuko da. Frontoi hori 2021eko azaroaren 29an itxi zuten, eta 68 urteko ibilbide luzeari amaiera eman. EITBk, eitb.eus-en eta ETB1en bidez, txapelketako final handia emango du, zuzenean, hilaren 22ko 22:50etik aurrera.
Arestian esan bezala, Biscayne Cupeko txapelak janzteko lehian zortzi puntista izango dira; bada, sei baieztatu egin dituzte, eta honako hauek dira: Aritz Erkiaga, Imanol Lopez, Xabi Barandika, Mikel Manci, Johan Sorozabal eta Unai Lekerika. Parte hartuko duten beste bi pilotariek orain Daniako pilotalekuan jokatzen ari diren aurretiko torneoko irabazleak izango dira; aurretiko txapelketa horretako finala otsailaren 14an jokatuko dute.
Biscayne Cup jokatuta, Jai Alai League zirkuituak aurreneko aldiz egingo du txapelketa bat nazioartean. Jokoan izango diren puntuak alde batera utzita, torneoaren helburua da Estatu Batuetako zaleen ilusioa berpiztea, eta jarraitzaile guztiak txapelketa handi batean elkartzea; halaber, AEBn garai batean jokatzen zituzten txapelketa handiak ekarriko ditu gogora, NAJF, Citrus eta World Series, kasu. Horrez gain, Estatu Batuetako jarraitzaileak, enpresak eta erakundeak aktibatu nahi dira; nabarmentzeko modukoa da zesta puntak ehun urteko baino gehiagoko historia duela Ameriketako Estatu Batuetan.
Arestian esan bezala, eitb.eus-ek eta ETB1ek Biscayne Cupeko finala emango dute, otsailaren 22ko 22:50etik aurrera, zuzenean.
Zure interesekoa izan daiteke
Lekeitioko Master Seriesa, abuztuaren 22an eta 28an, Santi Brouarden
Santi Brouard pilotalekua prest dago Lekeitioko Masters Seriesa hartzeko. Erkiaga-Lekerika, Goitia-Atain, Laduche-Manci eta Goixerri-Salegi lehiatuko dira bertan. Finalerdiak abuztuaren 22an jokatuko dituzte. Final handia, berriz, hilaren 28an.
Barandikak eta Mancik jantzi dituzte Gernika Grand Slameko txapelak
Azken tantora berdinduta iritsi den finala, hirugarren seta, 4-4 eta Barandikak eta Mancik behin betiko tantoa eskuratu dute, txapela eskuratzeko. Lehen seta 15-10 irabazi dute, Erkiagak eta Undak 9-15 erantzun dute bigarrenean, eta hirugarrena azken tantoan erabaki da.
Barandika eta Oyhenard irabazle Donibane Lohizuneko 4ko masterrean
Barandika eta Oyhenard nagusitu dira Donibane Lohizuneko Master 4ko finalean, baina hirugarren jokoa behar izan dute Erkiaga eta Basque mendean hartzeko. Lehenbizikoan, Ispasterkoa eta Bidartekoa izan dira nagusi, 15-13. Bigarrena, baina, gernikarrak eta Donibane Lohizunekoak eskuratu dute, 13-15. Kitarakoan, berriz, Barandika eta Oyhenard jaun eta jabe izan dira: 1-5. Gernikako aurrelaria bolada onean dago, jokatu dituen azken 12 partidetatik 11 poltsikoratu baititu.
Barandikak eta Oyhenardek Donibane Lohizuneko Master 4 txapelketaren finalerako txartela lortu dute
Jean Olharan eta Gorka Sorozabal bi jokotan mendean hartu zituzten. Lehenengoa estu joan zen (15-14). Bigarrenean, tarte handiagoarekin, 15-9 gailendu ziren Barandika eta Oyhenard. Ostegun honetan jokatuko dute finala. Erkiaga eta Basquerekin neurtuko dituzte indarrak.
Clement Garciak eta Jerome Portetek Master 3 txapelketa irabazi dute, Donibane Lohizunen
Asteartean jokatutako finalean, Ludovic Laduche eta Theo Laborde menderatu dituzte, bi jokotan, 15-10 eta 15-11.
Barandika eta Manci, Gernikako Grand Slameko lehen finalistak
Barandika eta Manci dira Gernikako Grand Slameko lehen finalistak, Goitia eta Basque garaituta (14-15, 15-12 eta 5-1). Bigarren finalerdia hurrengo larunbatean jokatuko da, abuztuaren 8an, eta finala, berriz, San Roke egunean, abuztuaren 16an.
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Erkiaga eta Atain gailendu dira Markinako Grand Slamaren finalean
Txapeldunek finalerako txartela ezusten lortu zuten Txanika eta Salegi garaitzeko lana erruz egin behar izan dute. Bi joko estuetan lortu dute garaipena (15-12 eta -15-14).
Elaiak eta Araik erraz hartu dituzte mendean Lur eta Alize Markinako Grand Slamaren finalean
Lejardi ahizpak etxean aritu dira. Arai atera da garaile, lan txukuna eginda, baina zoragarri aritu den Elaia nabarmenduz. Elaia eta Arai bi jokotan gailendu dira (15-6 eta 15-3). Hasieratik izan dira aurretik. Arriskatzen hasi direnean ere, asmatu dute.
Gernikako Grand Slama kiniela formatuan abiatuko da
Uztailaren 18tik abuztuaren 16ra jokatuko da. Finalerdietatik aurrera, partidak ohiko formatuan jokatuko dira. Jardunaldi guztiak larunbat gauez jokatuko dira, 21:00etan, San Roke eguneko finala izan ezik, igandean izango baita, 18:00etan.