Mendi lasterketetako Euskal Selekzioak bost korrikalari izango ditu Italian
Mendi lasterketetako Euskal Selekzioa Italiako Alpeetako Limone Sul Garda hirira abiatuko da ostegunean, urriaren 17an, Munduko Kopako finala jokatzeko.
Urte hasieran Eusko Jaurlaritzarekin sinatutako akordioari esker, 2019ko kopako proba gehienetan parte hartzeko aukera izan du Euskal Selekzioak, eta larunbatean, urriaren 19an, lasterketetan bildutako puntuak kontuan hartuta, bost korrikalari izango ditu finalean: Oihana Azkorbebeitia, Maria Zorroza, Mayi Mujika, Ander Iñarra eta Julen Martinez de Estibariz.
Italiara abiatu aurretik, prentsaurrekoa izan da Donostian, Eusko Jaurlaritzaren egoitzan. Han egon dira Eusko Jaurlaritzako Jarduera Fisiko eta Kirol zuzendari Jon Redondo, Mendi Lasterketako Euskal Federazioko zuzendari tekniko Irati Anda, Iñaki Uribe-Etxebarria hautatzailea eta Oihana Azkorbebeitia, Mayi Mujika eta Ander Iñarra korrikalariak.
Euskal Selekzioak apirilean hasi zuen Munduko Kopako ibilbidea, Japonian, eta larunbatean izango du amaiera Italian jokatuko den finalarekin. Mundu guztian jokatu dituzte probak selekzioko kideek, eta guztira 11 izan dira jokatutako probak.
Italiako Limone Sul Garda hirian jokatuko den Sky Masters Limone Xtreme mendi lasterketa munduko garrantzitsuenetako bat da. Larunbateko finalerako ibilbide berria izango du, eta korrikalariek 27 kilometroko luzerari eta 2.600 metroko desnibel positiboari egin beharko diote aurre, 13:00etatik aurrera.
Zure interesekoa izan daiteke
Sandra Sevillanok eta Jokin Garciak irabazi dute 2026ko Tolosaldea Ultra Trail Erronka
Lasterketa uztailaren 4an jokatu zuten, eta 82 kilometroko ibilbidea izan zuen. Beste behin, David Delgadoren omenez egin zuten proba.
Sara Alonsok HOKA Aran haraneko PDA proba irabazi du
06:20:12ko denbora eginda, atleta donostiarra ostegunean jokatutako probako azkarrena izan da. Garaipenaz gain, Alonsok txartel zuzena eskuratu du World Series finaletarako; izan ere, Aran haraneko lasterketa European World Series Major mailakoa da, alegia, zirkuituko Europako finala.
Nerea Amilibia eta Andoni Uzkiano nagusi, Txirrita Mendi lasterketaren 4. ekitaldian
Joan den ekainaren 21ean jokatu zen Altzan Txirrita Mendi lasterketaren 4. ekitaldia, altzatarrek Txirrita bertsolariari egiten dioten omenaldia. Andoni Uzkiano altzatarra etxean nagusitu zen gizonezkoen mailan; emakumezkoetan, berriz, Nerea Amilibia Aiako mendi korrikalari beteranoa izan zen nagusi.
Leti Bullidok eta Aitor Ugartek eskuratu dute garaipena 2026ko Ardibidepikua Kilometro Bertikalean
Izaban jokatutako proban, gainera, Euskal Herriko Txapelketa izan da jokoan, ekainaren 13an; horretan, Aitor Ugarte aramaioarra eta Garazi Abasolo aretxabaletarra gailendu dira.
Naroa Uria eta Borja Zubizarreta gailendu dira 2026ko Euskal Herria Mendi Erronkan
Ekainaren 7an jokatu zuten. Euskara, euskal selekzioa, lurraldetasuna edo ingurugiroaren babesa ditu ardatz probak, eta, balio horietan oinarrituta, urtero omentzen du norbait; aurten, Gorka Urbizu Lekunberriko musikaria hautatu dute.
Larraitz Aragon eta Iñigo Gereta nagusi, Ubidestroi mendi-lasterketan
Gorbeiako parajeetan jokatzen den lasterketa eder bezain gogorra da Ubidestroi mendi-lasterketa. Aurtengo edizioan, Iñigo Gereta gasteiztarra eta Larraitz Aragon durangarra izan dira onenak. Bideo honetan dago ikusgai laburpena.
Kilian Jornetek meniskoa hautsita zuela parte hartu zuen Zegama-Aizkorrin
Kataluniako korrikalaria 42. helmugaratu zen. "Zegama ondoren, nire gorputzak asteetan esaten ari zena ulertzea behar nuen", azaldu du Sabadelleko lasterkariak ohar luze batean.
Ehunmilak lasterketaren batzorde antolatzaileak probaren behin-betiko desegitea iragarri du eta probak lehiatzeari utziko diola baieztatu du
Bere web orrialdean argitaratutako jakinarazpen baten bidez, azkeneko hilabeteetan “proiektuaren jarraipena ziurtatzeko beharrezko ordezkorik aurkitu” ezin izan dutela nabarmendu du ultratraileko erakundeak.
Malen Osa: “Korrika hankekin egiten dugu, baina buruarekin eta bihotzarekin ere bai”
Malen Osa oñatiarrak bigarren postua eskuratu zuen emakumeen podiumean, pasa den Zegama-Aizkorri mendi maratoiean. Hirugarren urtea du parte hartzaile bezala, eta oraindik asko geratzen zaizkiola dio Salomoneko mendi korrikalariak.
Lasterketako protagonistak: “Oso pozik nago, baina guztiz apurtuta amaitu dut lasterketa"
Lasterketa amaitu ostean, EITBk mendi maratoiaren 25. edizioan lehen postuetan ibili diren atleta batzuekin hitz egin du.