San Mames, 2026ko Champions Cup eta Challenge Cupeko finalen egoitza
San Mames futbol zelaian jokatuko dira 2026an Champions Cup eta Challenge Cup txapelketako finalak, 2018an egin bezala. Hau da, Bilboko zelaian erabakiko dira Europako errugbiko lehen eta bigarren txapelketa nagusietako tituluen irabazleak.
EITBk atzo aurreratu zuen Europako errugbi txapelketa nagusiko (Investec Champions Cup) finala Bilboko estadioan jokatuko dela. Albiste hori baieztatzeaz gainera, Athletic Clubek eta Bilboko Udalak asteazken honetan gaineratu dute EPCR Challenge Cupeko finala ere San Mamesen izango dela.
Halaber, bi erakundeek jakinarazi dute Errugbiko Klub Profesionalen Europako Elkarteak (EPCR) 12 herrialdetik igorritako "23 estadioren" eskaintzak jaso dituela, baina, azkenerako, "bikain hornituta dagoen" Bilboko San Mames estadioaren alde egitea erabaki duela.
2018ko maiatzean jokatu ziren Champions Cupeko eta Challenge Cupeko finalek 84.225 ikusle bildu zituzten San Mamesen: lehendabizikoan, 52.282 ikusle (San Mameseko marka handiena); bigarrenean, 32.543 ikusle.
Egun batzuk geroago Bizkaiko Foru Aldundiak emandako datuen arabera, aipatu bi final horiek "28,18 milioi euroko eragin ekonomiko zuzena izan zuten Bilbon eta Bizkaian, eta 37,6 milioi eurokoa Euskadin".
Errugbiko bi final horien aurretik, San Mamesek beste bi kirol ekitaldi handi hartuko ditu: 2024ko emakumezkoen Txapeldunen Ligako finala aurtengo maiatzaren 25ean, eta 2025eko Europa Ligako finala.
Bilboko estadioak, gainera, Espainian, Portugalen eta Marokon egingo den 2030eko Munduko Futbol Txapelketako egoitzetako bat izan nahi du.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.