PGAk Jon Rahm zigortu du LIV Golf ligarekin sinatzeagatik
Jon Rahm golf jokalari bizkaitarra zigortu du PGA Tourrak, Amerikako golf zirkuituak, LIV Golf Saudi Arabiako ligarekin sinatzeagatik. Gaur egun, hirugarren dago Rahm munduko sailkapenean, eta erabaki horrekin, 2022-2023 denboraldian egindako lorpenak galduko ditu; halaber, ez dute 2024ko torneotarako hautatua izateko kontuan izango.
Golf Digest hedabidearen arabera, PGA Tourrak astelehenean jakinarazi zien golflariei Barrikako kirolaria zigortu zutela, "baimendu gabeko beste torneo batzuetan" parte hartzeagatik.
Joan den ostegunaz gero, LIV Golf ligako jokalaria da Rahm, milioi askoko fitxaketa onartu ostean. 2021eko US Openeko eta 2023ko Augustako Masterseko irabazleak 500 milioiko kontratua sinatu du, hainbat komunikabideren arabera.
Orain, PGA Tourrak baliogabetu egin ditu Rahmek 2022-2023 denboraldian egindako lorpenak: lau torneo irabazi zituen, eta 18. amaitu zuen FedEx Cup zerrendan, 2024ko txapelketetan hautatua izateko puntuak biltzen dituen sailkapenean, alegia.
Erabaki horrek eragin positiboa izango du atzetik dituen golflariengan. Mackenzie Hughesek, esaterako, 50. postura jauzi egingo du 51.etik, eta zortzi zirkuitu handietan parte hartzeko aukeratu dezakete 2024an.
Zure interesekoa izan daiteke
Higinio Riverok hogeigarren amaitu du 20 kilometroko proba
Rivero 59:49ko denbora eginda helmugaratu da, Golubkovek, Maok eta Romelek lortutako dominetatik urrun.
Alvaro Romero, zortzigarren Munduko Boardercross Kopan
Gipuzkoarrak zortzigarren amaitu du Munduko Boardercrosseko Kopako proba. Jakob Duse austriarra izan da garailea.
Oier Ibarretxek garaipenarekin debutatu du
Oier Ibarretxe boxeolariak garaipenarekin debutatu du profesionaletan, Marouane Nmili puntuetara garaituz. Borroka parekatua izan da, baina Galdakaokoaren ezkerkada indartsuek garaipena eman diote
Jokin Garciak Europako Zilarrezko Txapelketa bereganatu du Gianluca Ceglia garaituta
Jokin Garcia boxeolari bilbotarra Europako Zilarrezko txapelduna da Gianluca Ceglia puntuetara garaitu ostean. Italiarra beteranoa izan arren, Jokinek hasieratik agindu du eta, begi azpian zauri txiki bat jasan arren, garaipenarekin atera da.
DeChambeauk irabazi du Singapurko LIV txapelketa, eta Rahm bosgarren izan da
Jon Rahmek bosgarren amaitu du Singapurko LIV txapelketa, duela astebete Hong Kongen lortutako garaipena errepikatu ezinda. Bryson DeChambeau estatubatuarra nagusitu da, Richard T. Lee kanadarrarekin berdinketa hautsita.
Jon Fernandezek Europako Pisu Superarineko gerrikoari eutsi dio
Jon Fernandez boxeolariak Somay Bilal nederlandarra garaitu du, puntuetara, Europako Pisu Superarineko gerrikoa jokoan zuen borrokan. Txapeldunaren nagusitasuna nabaria izan da, eta aurkaria lehia zuzena saihesten saiatu da aukerarik ez zuela ikusi duenean. Amaieran, Etxebarrikoak bere gerrikoari eutsi dio.
Nadia Erostarbek historia egin du Championship Tourrerako sailkatuta
Surflari zarauztarra Championship Tourrerako sailkatu da, munduko surf maila gorenera, Challenger Series zirkuituko Newcastleko proban lortutako emaitzari esker. Horrela, denboraldi oso bat elitean emango duen Espainiako Estatuko lehen surflaria izango da.
Rahmek garaipena lortzeko aukerari eutsi dio Singapurren
Joaquin Niemann txiletarra jarri da Singapurreko LIV txapelketaren buruan, Lee Westwood ingelesarekin berdinduta, baina Jon Rahmek eutsi egin dio erritmoari, eta garaipena lortzeko aukerak izaten jarraitzen du.
II. Klimb Master txapelketa jokatuko dute Zarautzen, nazioarteko partaidetzarekin
Asteburu honetan, II. Klimb Open Boulder Txapelketa jokatuko dute Zarautzen, eta aurten atzerritik heldutako eskalatzaileak ere arituko dira bertan.
Higinio Riverok hamaseigarren amaitu du jazarpen proban
Riverok 13:08.9ko denbora egin du, Khamitov, Rad eta Liuk lortutako dominetatik urrun.