PGA Tourrek, DP World Tourrek eta LIVek gizonezkoen golfa bateratuko duen erakunde berri bat iragarri dute
PGA Tourrek, DP World Tourrek eta LIV Golf zirkuituaren jabe den Inbertsio Publikoko Funtsak (PIF) akordio historikoa iragarri dute astearte honetan, mundu mailako golf jokoa bateratzeko.
"Aldeek hitzarmen bat sinatu dute hiru erakundeen negozioak eta eskubide komertzialak irabazi-asmoa eta jabetza kolektiboa duen erakunde berri batean bateratzeko, interesa duten alderdi guztiek ahalik eta zirrara eta lehia handiena eskaintzen duen eredu batetik etekina atera dezaten", iragarri dute hiru erakundeek ohar batean.
Hala, ustekabeko mugimendu horrek amaiera emango dio PGA Tour eta LIV Golf zirkuituek elkarren aurka izan duten hilabeteetako eztabaida eta talkari. LIV Golf ekimena Saudi Arabiak babesten zuen, eta Ameriketako Estatu Batuetan oinarritutako tourrarekin lehiatzeko asmoa zuen zirkuitu bat antolatzea zeukan helburu.
Horren aurrean, maila goreneko hainbat jokalarik uko egin zioten PGA Tourrari LIV Golfek eskaintzen zituen sari askoz ere potoloagoen bila, eta horrek sekulako arrakala sortu zuen golf munduan.
Orain, akordio honen lehendabiziko eragina da PGA Tour, LIV Golf eta DP World Tour zirkuituen artean zeuden legezko kausak ebaztea. Horrez gain, LIV Golfera joan ziren jokalariak PGA Tour eta DP World Tour zirkuituetara itzuli ahal izango dira. Egoera horretan leudeke, besteak beste, Sergio Garcia espainiarra, Brooks Koepka, Dustin Johnson eta Phil Mickelson estatubatuarrak, Ian Poulter eta Lee Westwood ingelesak eta Abraham Ancer mexikarra.
"Erakunde berriak (oraindik ez du izenik) ekitaldien egutegi kohesionatua bermatzeko lan egingo du, jarraitzaileentzat, babesleentzat eta interesa duten alderdi guztientzat zirraragarria izango dena", adierazi dute.
Zure interesekoa izan daiteke
Rahmek ez du kortea pasa AEBko Irekian
Bigarren jardunaldi gorabeheratsu baten ondoren, Barrikakoak sei kolpe hartu ditu parearen gainean, eta bertan behera utzi behar izan du.
Kirol ekitaldiak eta beroa: “Hidratazioa da garrantzitsuena”
Iñaki Arratibel medikuak gomendio batzuk ematen dizkie kirola egiten dutenei bero handia egiten duen egunetan. Hidratazioaz gain, oso garrantzitsuak dira, elikadura, janzkera eta norberaren zentzua.
Jon Rahmek bigarren bukatu du eguna AEBko Irekian, lainoak baldintzatutako lehen jardunaldian 2 parretik behera eginda
Behin-behinean, euskal golf-jokalariak 4 kolpera du liderra, Wyndham Clark estatubatuarra. Meteorologia tarteko, txapelketa ia bi orduz gelditu behar izan dute. Rahmen 13 zulo jokatu ditu, eta zazpi lehiakiderekin dago bigarren postuan berdinduta.
Jose Maria Olazabal: “V. Bizkaia Openak etorkizun ona dauka; profesionalek zelaia eta txapelketa maite ditugu”
Jose Maria Olazabal, Augustako Mastersa bi aldiz irabazi duen jokalaria, V. Bizkaia Openeko kartelaren buru da, Espainiako Golf Profesionalaren Elkarteko (PGAe) zirkuituaren txapelketa garrantzitsuenetakoan. Olazabalekin batera, beste 145 jokalarik eman dute izena. Hondarribikoak ostegun honetan hasi den US Opena ere aztertu du, baita Jon Rahmek txapelketan izango dituen aukerak ere.
Donostiako Hipodromoaren 110. Udako Denboraldia aurkeztu dute
EITBk lankidetza hitzarmena berreskuratu du Donostiako Hipodromoarekin eta albistegi zein euskarri digitalean ikusgai izango dira Udako 110. Denboraldiko lasterketen laburpenak.
Rahmek hirugarren handia nahi du Estatu Batuetako Irekian, Shinnecock Hills zelai zailean
Barrikako jokalariak protagonista izan nahi du Scottie Scheffler eta Rory McIlroyren aurrean, besteak beste, zelai beldurgarri batean, Shinnecock Hillsen (New York).
Mattin Iñiguez eta Aner Bueno: “Mentalki prestatu gara, baita hagan ere; helburua disfrutatzea da”
Mattin Iñiguez eta Aner Bueno elkarren artean lehiatuko dira Pirinioetako zeharkaldian. Ez dute erronka makala aurretik, Hondarribia eta Port de la Selva herria lotzen dituzten 528 kilometro egingo dituzte korrikaz eta airez. Gainera, hogei herrialdeetatik etorritako mundu mailako kirolariak izango dituzte aurkari.
Angela Vilariño: “Buelta pixka bat kostatu zait, baina gutxinaka hobetzen ari gara eta oso pozik nago”
Angela Vilariño pilotua lehiaketara itzuliko da bost urteko etenaldiaren ostean. Europako Mendi Txapelketan lehiatuko da, eta “moldatzen” eta “lasterketaz lasterketa hobetzen” ari badira ere, “emakumezkoen kopa berriro ekartzen” saiatuko dela adierazi du hondarribiarrak. (Bideoa gazteleraz)
Egoitz Bijueskak brontzezko domina irabazi du Ostiako skateboarding Munduko Kopan
2028an Los Angelesen izango diren Olinpiar Jokoetarako bidean, World Skateko munduko zirkuituko lehen proba puntuagarria jokatu dute, asteburuan, eta Basque Teameko skaterrak hirugarren postua eskuratu du. Gainera, emakumezkoen finalean, Naia Lasok, Basque Teamekoa bera ere, zazpigarren tokia erdietsi du.
Ainhize Belarrek urteko 9a mailako laugarren bidea kateatu du Baltzolan
2026a urte aparta izaten ari da Atxondoko eskalatzaile gaztearentzat. 20 urte besterik ez izan arren, munduko eskalatzaile onenen artean kokatu da bere azken lorpenei esker, eta etorkizun oparoa du aurretik.