Koepkak irabazi du PGA Txapelketa, eta Schefflerrek munduko sailkapeneko lehen postua kendu dio Rahmi
Brooks Koepka golf jokalariak PGA Txapelketa irabazi du igande honetan, azken ibilbidean 67 kolpeko txartela egin eta guztira parretik behera 9 kolpeko emaitza lortuta. Haren atzetik geratu dira Viktor Hovland norvegiarra (-7) eta Scottie Scheffler (-7) estatubatuarra, bi kolpera.
Bart irabazitakoa PGAko bere hirugarren txapela da Koepkarentzat, 2018an eta 2019an ere irabazi baitzuen, baita bere bosgarren txapelketa handia (major) ere, Estatu Batuetako Irekiko txapeldun izan baitzen 2017an eta 2018an.
Saudi Arabiako LIV Golf txapelketa polemikoko kide izanik major bat irabazi duen lehen golf jokalaria da Koepka. Horrez gain, gutxienez bost txapelketa handi bereganatu dituzten 20 jokalariekin berdindu du. Eta PGA txapelketei dagokienez, Gene Sarazen eta Sam Snead golflari entzutetsuak harrapatu ditu sailkapenean, hiru garaikurrekin. Dena den, oraindik bere aurretik daude Tiger Woods (4) eta Walter Hagen zein Jack Nicklaus (5).
Eguneko txartelik onenak Cam Davis eta Cameron Smith australiarrek, Sepp Straka austriarrak eta Kurt Kitayama eta Scottie Scheffler estatubatuarrek aurkeztu zituzten, 65 kolperekin.
JON RAHMEK MUNDUKO LEHENA IZATEARI UTZI DIO
Schefflerrek garaipena lortzeko aukera izan zuen. Izan ere, 18. zuloan lortutako birdieak presioa sortu zien atzetik zetozen Koepka eta Hovlandi. Dena den, txapelketan erdietsitako bigarren postuari esker, Schefflerrek munduko lehen postua berreskuratu du, sailkapen nagusian Rahm gaindituta.
Horrenbestez, Scheffler dago orain munduko sailkapeneko lehen postuan, 10,96 batez besteko puntuazioarekin, Rahmek baino lau hamarren gehiagorekin (10,56). Hirugarren tokian, Rory McIlroy iparrirlandarra dago, 8,32rekin.
PGA Txapelketan izandako emaitza onari esker, FedExCup-eko sailkapenean ere asko gerturatu zaio Scheffler Rahmi; izan ere, Barrikakoak sailkapenaren buruan jarraitzen badu ere, 715 puntuko aldea baino ez dago orain bien artean.
Rahmek 71 kolperekin itxi zuen bere azken itzulia, hau da, zelaiko parraren gainetik kolpe batera. Hortaz, guztira parraren gainetik 7 kolpeko emaitza kaxkarra pilatu zuen, hasierako aurreikuspenetatik oso aldenduta.
MICHAEL BLOCK FENOMENOA
Aitzitik, txapelketan zehar heroi bat egon bada, hori Michael Block izan da, Kaliforniako golf klub batean golf irakasle gisa aritzen dena. Gonbidapen bati esker parte hartu du txapelketan, eta asteburuan lehiatzeko sailkatzeaz gain, munduko onenen mailan aritu da.
Txapelketari gatza eta piperra jarri dion jokalarietako bat izan da. Publikoarekin izan duen harremana erabatekoa izan da, baina txalo zaparrada handiena igandean jaso zuen, kolpe bakarrarekin pilota hamabosgarren banderako zulo barruan jarri zuenean, greenean boterik eman gabe.
Blockek 15. amaitu du behin betiko sailkapenean, eta 2024ko edizioan tokia izatea bermatu du. Alabaina, datorren astean klaseak ematera bueltatuko da Kaliforniako Arroyo Trabuco Golf Cluben, eta ziur eskola guztiak eskatuta izango dituela. 125 dolar kobratzen ditu 45 minutuko klasearen truke.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.