Zazpi taldek jokatuko dute lehen Euskal Errugbi Liga
Euro Basque Rugby Challenge (EBRC)- Euskal Errugbi Liga mugaz gaindiko kirol txapelketaren lehen edizioak bi aldeetako zazpi talde bilduko ditu, abuztuaren 17tik irailaren 7ra: Aviron Bayonnais, Biarritz Olympique-Pays Basque, Anglet, Hernani, Ordizia, Getxo eta Bera Bera. Lehen mailan jokatuko duten zazpi taldeekin batera, EBRC-Euskal Errugbi Ligak emakumezkoen kategoria eta bigarren maila ere izango ditu.
Eusko Jaurlaritzako Kultura eta Hizkuntza Politika Sailak eta Akitania Berria-Euskadi-Nafarroa Euroeskualdeak astelehen honetan aurkeztu dute lehiaketa, Donostian, Euskal Autonomia Erkidegoko (EAE), Nafarroako eta Iparraldeko (Errugbi 64 Departamentu Batzordea) errugbi federazioetako ordezkariekin batera.
Miramar jauregian izan da proiektuaren aurkezpena, eta bertan izan dira Bingen Zupiria Jaurlaritzako Kultura eta Hizkuntza Politikako sailburua, Arola Urdangarin Akitania Berria-Euskadi-Nafarroa Euroeskualdeko jarduneko zuzendaria, Iñaki Laskurain Euskal Errugbi Federazioko presidentea eta Alain Fariscot Errugbi 64 Departamentu Batzordeko federazioko presidentea.
Jaurlaritzaren eta Euroeskualdearen bultzada ez ezik, EBRC-Euskal Errugbi Ligak hiru federazioen eta Nafarroako eta Akitania Berriko gobernuen babesa ere jaso du. Aviron Bayonnais, Biarritz Olympique-Pays Basque, Anglet, Hernani, Ordizia, Getxo eta Bera Bera taldeetako ordezkariak ere izan dira Donostiako aurkezpenean.
Horrela, zazpi talde horiek parte hartuko dute EBRC-Euskal Errugbi Ligako lehen mailan. Aurreneko urtean, abuztuaren 17tik irailaren 7ra antolatuko da lehiaketa, eta final nagusia Ordiziako Altamirako estadioan izango da. Lehen maila bi taldetan banatu da, Hegoaldeko eta Iparraldeko taldeak batuz. A taldean izango dira Aviron Bayonnais, Hernani eta Getxo, eta B taldean, Biarritz Olympique-Pays Basque, Anglet, Ordizia eta Bera Bera.
Ligako lehen jardunaldia abuztuaren 17an (A taldea) eta 24an (B taldea) jokatuko da, eta bigarrena abuztuaren 24an (A taldea) eta 31an (A eta B taldeak). Esan bezala, finala irailaren 7an izango da, bi taldeetako txapeldunen artean.
Gizonezkoen lehen mailaz gain, EBRC-Euskal Errugbi Ligak emakumezko txapelketa bat izango du, bai eta bigarren maila bat ere, eta datozen hilabeteetan aurkeztuko dira. Aurreneko urtea denez gero, lehiaketa guztiak ligaxka formatuan jokatuko dira; dena dela, helburua da proiektu hau datozen urteotan hazten jarraitzea.
A MULTZOA
Aviron Bayonnais
Hernani
Getxo
B MULTZOA
Biarritz Olympique-Pays Basque
Anglet
Ordizia
Bera Bera
Zure interesekoa izan daiteke
Miren Lazkanok zilarra irabazi du La Seu d'Urgelleko Munduko Kopako kanoa proban
12 onenen txandan, Lazkanok 104.55eko azken denbora egin du, eta Ana Satila brasildarrarengandik 0.70era sailkatu da.
Zverev eta Shelton, AEBko Irekiko finalean
Alexander Zverevek eta Ben Sheltonek jokatuko dute igande honetan AEBko Irekiko finala, Karen Khatxanov eta Frances Tiafoe gainditu ostean, hurrenez hurren.
Maialen Chourraut, hirugarrena K1eko sailkapen nagusian
Euskal palistak denboraldi bikaina egin du K1eko Munduko Kopan. 227 puntu lortu ditu eta hirugarren postuan kokatu da sailkapen nagusian.
Ardi Moztaileen Nazioarteko Txapelketa, irailaren 19an, Elizondon
Datorren irailaren 19an, Ardi Moztaileen Nazioarteko Txapelketa antolatu dute Elizondon, eta gaur goizean egin dute aurkezpena. Euskal Herriko moztaileak ez ezik, beste hainbat herrialdeetatik ere etorriko dira lehian parte hartzera.
Novak Djokovic Estatu Batuetako Irekitik kanpo geratu da, lehen errondan galdu du eta
Novak Djokovic tenis-jokalari serbiarra Estatu Batuetako Irekitik kanpo geratu da, lehen errondako partida galdu baitu, Mariano Navoneren aurka. Akituta amaitu du neurketa.
Jon Rahmen Legion XIII taldeak irabazi du LIV txapelketa
Barrikako golf-jokalaria buru duen taldeak garaipena lortu du, Indianapolisen jokatutako txapelketa irabazita. Banakako lehian, Rahm bigarren izan da.
Sinnerrek ez du AEBetako Irekian parte hartuko, eskuineko belaunean daukan lesioarengatik
Italiarrak, munduko lehen sailkatuak, ez du partida ofizialik jokatuko bigarren urtez jarraian Wimbledon konkistatu zuenetik.
Carlos Alcarazek bere tronua defendatuko du Estatu Batuetako Irekian
Murtziako tenislaria kantxetara itzuliko da New Yorken, eskuin eskumuturrean izan duen lesioa gainditu ostean.
Pou Anaiek eta Micher Quitok “Bonus Track” ireki dute Cordillera Blancan
Uda honetan, Eneko eta Iker Pouk, Peruko Micher Quito kidearekin batera, "Bonus Track" (WI7/M6/6c/1.060 m) ireki dute Ranrapalcan (6.162 m), Peruko Cordillera Blancan. Mendikate honetan inauguratu dituzten 22 ibilbideetatik gogorrena eta konprometituena. Hiru egunetan eta estilo alpinoan egin dute hori, Andeetako mendi handietako bati autonomia osoz aurre eginez.
LIV Golfek bertan behera utzi du bere azken txapelketa eta asteburu honetara aurreratu du taldekako finala
Michiganen abuztuaren 27tik 30era aurreikusitako taldekako finala asteburu honetara aurreratzea eta Indianapolisen jokatzea erabaki dute, LIVaren etorkizunari buruzko zalantzen erdian.