Realak Chelsea, Wolfsburgo, Paris Saint-Germain edo Juventus izango du aurkari Txapeldunen Ligako sailkatze kanporaketan
Zozketa asteartean egingo dute, 13:00etan. Arturo Ruizen taldeak abuztuaren 26an jokatuko du joaneko partida, eta itzuliko neurketa, ordea, irailaren 2an izango da. Kanporaketako irabazleak Txapeldunen Ligako liga fasea jokatuko du, eta galtzailea, aldiz, Europa Kopan arituko da.
Nerea Eizagirrek eta bere taldekideek asteartean jakingo dute Txapeldunen Ligan zein talde izango duten lehen aurkari bezala. Argazkia: Europa Press.
Realak Chelsea, Wolfsburgo, Paris Saint-Germain edo Juventus izango du aurkari 2026-2027 denboraldiko Txapeldunen Ligako hirugarren eta azken sailkatze kanporaketan. Zozketa asteartean egingo dute, 13:00etan. Arturo Ruizen taldeak abuztuaren 26an jokatuko du joaneko partida, eta itzuliko neurketa, ordea, irailaren 2an izango da. Kanporaketako irabazleak Txapeldunen Ligako liga fasea jokatuko du, eta galtzailea, aldiz, Europa Kopan arituko da.
Reala ez da zerrendaburu zozketan, eta horregatik izango du arestian esandako lau aurkari horietako bat. Euskal taldeak, 2025-2026 denboraldiko Moeve F Ligan, hirugarren postua eskuratu zuen, eta historian bigarrenez izango da Txapeldunen Ligan; izan ere, 2022-2023 denboraldian ere egin zuen, eta orduan, sailkatze faseko 2. kanporaketan, Bayern Munichen aurka, 0-1 galdu zuen Anoetan, eta 3-1 Alemanian.
Zozketa, esan bezala, asteartean egingo dute, 13:00etan hasita.
Zure interesekoa izan daiteke
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.