Realak luzapenean galdu du Real Madrilen aurka (3-1), eta Erregina Kopatik kanpo geratu da
Realak 3-1 galdu du Real Madrilen aurka ostegun honetan Madrilen jokatu den Erregina Kopako final-laurdenetako partida. Sarriegik Weirren gola berdindu eta gero, partida luzapenera heldu da, baina txuri-urdinak ez dira gai izan Madrilgo taldearen erritmoa berdintzeko, eta Tolletiren eta Caicedoren golek lehiaketatik kanpo utzi dituzte.
Partida oso paretsu hasi da, jokoa zelai erdian zentratuta batez ere. Pixkanaka, Madrilgo taldea presentzia irabazten joan da, eta jokoaren kontrola ere bai, baina Donostiako taldeari minik egin gabe. Bitartean, Realak hegaletik zuzendu ditu bere erasoak, arrakasta handirik gabe.
Real Madrilen nagusitasuna gero eta nabariagoa izan da, eta 22. minutuan ireki dute markagailua, Weirren golari esker. Area barruan kontrol bikaina eginda, baloia sare barrura bidali du (1-0).
Txuri-urdinek aurrerapausoa eman dute, eta gol psikologikoa lortu dute lehen zatiko luzapenean. Sarriegik gol ikusgarria egin du, urruneko jaurtiketa batekin, eta 1-1 joan dira aldageletara.
Bigarren zatian, etxekoek baloiaren eta jokoaren jabe izaten jarraitu dute, eta lehen zatian baino askoz aukera gehiago izan dituzte. Letek oso ondo babestu du atea, buruz buruko bat ezerezean utzita, eta langa izan da Realaren salbatzailea zurien hurrengo aukeran.
Horrela, Gipuzkoako taldeak ondo defendatzen eta emaitzari eusten jakin du partida luzapenera eramateko.
Minutu estra horietan, Realak ezin izan dio gehiago eutsi, eta Caicedok (etengabeko amesgaiztoa izan da bisitarientzat) jokaldi bikaina egin du, baloia Tolletiri laga ostean honek nahi bezala gola sartzeko (2-1).
Caicedo bera arduratu da 3-1ekoa egiteaz, banakako beste jokaldi bikain batekin Lete gaindituz.
Zure interesekoa izan daiteke
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.