Realak beste garaipen bat lortu du Ligan Espanyol menderatuta (2-1)
Realak 2-1 irabazi dio Espanyoli igande honetan Reale Arenan jokatu den EA Sports Ligako 23. jardunaldiko partida. Beckerrek aurretik jarri ditu txuri-urdinak partida hasi eta berehala, baina Puadok berdinketa jarri du penaltiz. Braisek sartu du garaipenaren gola, azken minutuetan.
Partida ezin hobeto hasi da txuri-urdinentzat; izan ere, 40. segundoan egin dute lehen gola. Kataluniako taldeak atzetik ataratako baloi bat Zubimendik lapurtu du, Sucici eman dio erdiratzeko, eta Beckerrek jaurtiketa ondo bideratu du gola egiteko (1-0).
Hain ondo hasteak adrenalina eman dio Realari, eta nagusi izan da lehen minutuetan, Zubimendiren eta Beckerren abaguneekin, baina azkenean ez dituzte gauzatu. Sucicek bat egin du festarekin banakako jokaldi bikaina eginez sei defendatzaile atzean utzita, baina azken jaurtiketan atezainak oina atera du baloia desbideratzeko.
Espanyolen aldetik gutxi izan da nabarmentzeko, ia ez baitute arriskurik sortu, eta egin dutenean han izan dira Aramburu eta Aguerd aukerak zapuzteko. Euskal taldeak baloiaren jabe izaten eta aurkarien area inguratzen jarraitu du, baina ez da aldea handitzeko gai izan.
Aldageletatik bueltan, partida zaildu zaio Realari epaileak Espanyolen aldeko penaltia adierazi duenean. Aguerd eta Puado baloiaren lehian aritu dira area barruan, eta, defentsa txuri-urdina jaurtiketa ixtera joan denean, takoekin eman dio aurkariari. Puado bera arduratu da markagailua berdintzeaz penalti puntutik (1-1).
Imanol Alguacilen taldeari asko zaildu zaio partida. Areara hurbildu bai, baina ez du atea aurkitzerik izan. 84. minutuan, zelaira sartu berritan, Braisek Olasagastik erdiratutako baloi bat harrapatu, eta gola egin du, txuri-urdinei garaipena emateko (2-1).
Fitxa teknikoa:
2 - Reala: Remiro; Aramburu, Aritz, Aguerd, Javi Lopez; Zubimendi, Marin (Olasagasti, 62. min), Sucic (Brais Mendez, 81. min); Becker (Kubo, 77. min), Oskarsson (Oyarzabal, 62. min) eta Sergio Gomez (Barrenetxea, 62. min).
1 - Espanyol: Joan Garcia; El Hilali, Kumbulla, Calero (Cheddira, 87. min), Cabrera; Edu Exposito (Veliz, 46. min), Aguado (Bauza, 81. min), Kral; Roca (Jofre, 46. min), Puado eta Roberto Fernandez (Tejero, 70. min).
Golak: 1-0, 1. min: Becker. 1-1, 52. min: Puado. 2-1, 84. min: Brais Mendez.
Epailea: Javier Alberola Rojas. Txartel horia atera die Aritzi, Aguadori eta Cabrerari.
Zure interesekoa izan daiteke
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.