Realak eta Mallorcak Errege Kopako finalerako lehen txartela dute jokoan, Reale Arenan
Finala eskura dute Realak eta Mallorcak. Bi taldeek finalerdietako itzuliko partida jokatuko dute asteartean Reale Arenan, eta irabazleak Sevillako finalerako lehen txartela eskuratuko du. Bigarrena, Athleticek eta Atletico Madrilek ostegunean San Mamesen jokatuko duten neurketatik aterako da.
Partida zuzenean emango du ETB1ek, 21:00etan hasiko den saio bereziaren barruan.
Joaneko partida hutsean berdindu zuten, eta orain, itzuliko neurketari begira, donostiarrak ez daude sasoi punturik onenean; azken bi hilabeteetan asko kostatzen ari zaie golak egitea. Bana partida etxean jokatuko dute, Reale Arenan, zaleen babesarekin, eta horrek aparteko motibazioa emango die txuri-urdinei.
Baina erasoan dituzten erasoez gain, Imanolen taldeak baja ugari ditu: Alvaro Odriozola, Aihen Muñoz, Aritz Elustondo, Ander Barrenetxea eta Carlos Fernandez.
Baina albiste onak ere badira gipuzkoarrentzat, Mikel Oyarzabal taldekideekin entrenatu baita eta Imanolen deialdian sartu da. Ondorioz, aurrelaria Mallorcaren aurka jokatzeko prest da. Ikusteke dago norgehiagoka guztia jokatzeko moduan izango den ala ez. Arsen Zakharyan eta Hamari Traore ere normal entrenatu dira, eta, ondorioz, Vila-realen aurkako partidan hartutako kolpeek ez dute ondorio larririk izan.
Bi taldeen arteko neurketei dagokienez, estatistikei begiratuta, Mallorca ez da gipuzkoarrentzako talde erosoa. Azken sei norgehiagoketan, bi berdinketa eta donostiarren lau garaipen izan dira, baina guztiak gol bakar batengatik.
Javier Aguirrek jokalari guztiak prest ditu, Pablo Maffeo kenduta, meniskoan egindako ebakuntzatik errekuperatzen ari delako.
Litekeena da entrenatzaile mexikarrak bere ohiko sistema zelairatzea, atzean bost atzelari jarrita, eta erdian Matija Nastasic. Serbiarrak partida bikaina jokatu zuen Gasteizen ligan, asteburuan, bere taldeari puntu bat eman zion gola eginda.
Ustezko hamaikakoak
Reala: Remiro; Traore, Zubeldia, Le Normand, Galan; Zubimendi, Merino, Brais; Kubo, Silva, Becker edo Zakharyan.
Mallorca: Greif; Gio Gonzalez, Nastasic, Raillo, Valjent, Jaume Costa; Antonio Sanchez, Samu Costa, Morlanes, Dani Rodríguez; Muriqi.
Epailea: Jesus Gil Manzano (Extremadurko batzordekoa).
Estadioa: Reale Arena.
Ordua: 21:30.
Zure interesekoa izan daiteke
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.