Realak eta Betisek hutsean berdindu dute Reale Arenan
Realak eta Betisek hutsean amaitu dute Reale Arenan jokatutako EA Sports Ligako 17. jardunaldiko partida. Bi taldeek izan dituzte gola egiteko aukerak, eta puntu banaketa sari egokitzat jo daiteke. Epaileak baliorik gabe utzi ditu etxekoek egindako hiru golak, jokoz kanpoko argiak adierazita.
Lehen minutuetan, Reala nagusi izan da zelaian, baina aukera argirik sortu gabe. Lehen aukera argia andaluziarrek izan dute, partidako 21. minutuan, baina Abderen jaurtiketa gogorra Remirok urrundu du.
26.ean, Andre Silva portugaldarrak gola egin du, baina epaileak baliorik gabe utzi du, jokoz kanpoko posizioa adierazita. 30. minutuan, Willian Josek gora jaurti du Remiroren aurrean izandako aukera bikaina.
Martin Zubimendi ere, partidako lehen gola sartzear izan da, 33. minutuan, baina haren jaurtiketak zutoina jo du, Rui Silva atezainak baloia ukitu ostean.
Atsedenaldiaren atarian, Ayozeren jaurtiketak Realaren ateko zutoina jo du, kanpoko aldetik, eta epaileak beste gol bat baliogabetu dio Andre Silvari, jokoz kanpoko posizioagatik.
Bigarren zatian, gauzek ildo beretik jarraitu dute. Oyarzabalek izan du lehen aukera, falta jaurtiketa batean, baina baloiak zutoina jo du. 64.ean, Remirok bere taldea salbatu du, Iscok izandako aukera bikoitza ezerezean utzita.
Azken aukerak
Azken minutuetan, Turrientes eta Take Kubo ere saiatu dira, baina zorterik gabe. Azken aukera Sadiqek izan du, eta baloia andaluziarren sarean sartu du, baina jokoz kanpo zegoen baloia ukitu duenean.
Azkenean, berdinketa eta puntu banaketa Reale Arenan.
Fitxa teknikoa
0 - Reala: Remiro; Traoré, Zubeldia, Le Normand, Tierney (Aihen, 84. min); Zubimendi, Merino (Olasagasti, 84. min), Zakharyan (Turrientes, 59. min); Kubo, A. Silva (Sadiq, 58. min) eta Oyarzabal (Magunazelaia, 75. min).
0 - Reala: R. Silva; Ruibal, Pezzella, Riad, Abner; Altimira (Carvalho, 72. min), Roca, Isco; Ayoze, Willian José (Diao, 59. min) eta Ez Abde (Rodri, 72. min).
Epailea: Mateo Busquets Ferrer (Balearretako Batzordea). Txartel horia atera die Olasagasti (85. min), Le Normand (86. min) eta Remiro (90+3. min) Realeko jokalariei, eta Roca (43. min), Ruibal (68. min), Ayoze (78. min) eta Isco (87. min) Betiseko jokalariei.
Zure interesekoa izan daiteke
Reala hondoratu egin da azken minutuetan Atleticoren aurka (0-3)
Partida osoan zehar aurkariari aurre egin ondoren, 84. minutuan egindako penalti batek gidoia erabat aldatu du, 10 minututan hiru gol jasoz.
Realak krisian jarraitzen du eta Teneriferekin berdindu du (1-1)
Realak garaipenik gabe jarraitzen du denboraldi honetan, F Moeve Ligako 3. jardunaldian Teneriferen aurka 1-1 berdindu baitu. Ainoa Campok aurretik jarri ditu txuri-urdinak, baina Eva Vergesek markagailua berdindu du azken minutuetan.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.